കീർത്തി സുരേഷ് ചിത്രം പെൻഗ്വിന്റെ ട്രെയിലർ പുറത്തിറങ്ങി

കീർത്തി സുരേഷ് നായികയാകുന്ന ചിത്രമായ പെൻഗ്വിന്റെ ട്രെയിലർ പുറത്തിറങ്ങി.  ഈ ചിത്രത്തിൽ അമ്മ വേഷത്തിലാണ് കീർത്തി എത്തുന്നത്.  ചിത്രത്തിന്റെ സംവിധാനം ഈശ്വർ കാർത്തിക് ആണ് നിർവഹിച്ചിരിക്കുന്നത്. 

സംവിധായകന്റെ ഉടമസ്ഥതയിലുള്ള സ്റ്റോണ്‍ ബഞ്ച് ഫിലിംസ് നിര്‍മിക്കുന്ന ചിത്രത്തില്‍ മദംപട്ടി രംഗരാജ്, ലിംഗ എന്നിവർ പ്രധാനപ്പെട്ട കഥാപാത്രങ്ങളെ അവതരിപ്പിക്കുന്നുണ്ട്.  ചിത്രത്തിന്റെ സംഗീതം സന്തോഷ് നാരായണനാണ്.  ഛായാഗ്രഹണം നിര്‍വ്വഹിച്ചിരിക്കുന്നത് കാര്‍ത്തിക് പളനിയാണ്.

ജൂണ്‍ 19ന് ആമസോണ്‍ പ്രൈം വിഡിയോയിലാണ് ചിത്രം റിലീസ് ചെയ്യുന്നത്. തമിഴിലും തെലുങ്കിലും മലയാളത്തില്‍ മൊഴി മാറ്റ ചിത്രമായും പെൻഗ്വിൻ  റിലീസ് ചെയ്യുമെന്നാണ് റിപ്പോർട്ട്.