Ayodhya Rama Kshethram: ഭാഗ്യം ലഭിച്ച തലമുറയാണ് നമ്മുടേത്, ഹൃദയത്തിന്റെ അകക്കാമ്പിൽ നിന്ന്- ജയ് ശ്രീറാം ! കൃഷ്ണ കുമാർ

പ്രാണ പ്രതിഷ്ഠാ കർമ്മം നടന്ന ശുഭ മുഹൂർത്തത്തിന് സാക്ഷ്യം വഹിക്കാൻ ഭാഗ്യം ലഭിച്ച തലമുറയാണ്, നമ്മൾ ഭാരതീയർ എന്ന് നടനും ബിജെപി പ്രവർത്തകനുമായ കൃഷ്ണകുമാർ. ഒരിക്കലും അനുഭവിക്കാത്ത സന്തോഷവും ഭക്തിയും നിറഞ്ഞതാണ് അന്തരീക്ഷമെന്നും ഹൃദയത്തിന്റെ അകക്കാമ്പിൽ നിന്ന് ജയ് ശ്രീറാം എന്നാണ് കൃഷ്ണ കുമാർ തന്റെ സോഷ്യൽ മീഡിയയിൽ കുറിച്ചത്. 

അതേസമയം പ്രധാനമന്ത്രി നരേന്ദ്ര മോദിയുടെ സാന്നിധ്യത്തിൽ രാമക്ഷേത്രത്തിന്റെ ശ്രീകോവിലിൽ രാംലല്ലയെ പ്രതിഷ്ഠിച്ചു. കാശിയിലെ ഗണേശ്വർ ശാസ്ത്രി ദ്രാവിഡിന്റെ മേൽനോട്ടത്തിൽ പണ്ഡിറ്റ് ലഷ്മീകാന്ത് ദീക്ഷിതാണ് പൂജകൾക്ക് മുഖ്യകാർമ്മികത്വം വഹിച്ചത്.  ആർഎസ്എസ് സർസംഘചാലക് ഡോ. മോഹൻ ഭാഗവത്, ശ്രീരാമ ജന്മഭൂമി തീർത്ഥ ട്രസ്റ്റ് അദ്ധ്യക്ഷൻ മഹന്ത് നൃത്യഗോപാൽ ദാസ്, ഉത്തർപ്രദേശ് ഗവർണർ ആനന്ദിബെൻ പട്ടേൽ, മുഖ്യമന്ത്രി യോഗി ആദിത്യനാഥ് എന്നിവറം ചടങ്ങിൽ പങ്കെടുത്തിരുന്നു. 

മന്ത്രോച്ചാരണങ്ങൾക്കിടയിൽ നാടിന്റെ നാനാഭാഗത്തുനിന്നും കൊണ്ടുവന്ന വാദ്യമേളങ്ങളുടെ നാദതരംഗങ്ങളിലാണ് ചടങ്ങ് നടന്നത്. രാവിലെ 11: 30 നാണ്‌ താന്ത്രികവിധി പ്രകാരമുള്ള ചടങ്ങുകൾ തുടങ്ങിയത്. 12:20 ഓടെ പ്രാണ പ്രതിഷ്ഠാ ചടങ്ങുകൾ ആരംഭിച്ചു. ക്ഷേത്രനഗരിയില്‍ ആര്‍ഭാടത്തോടെ നടക്കുന്ന ചടങ്ങിന് രാജ്യത്തെ നിരവധി പ്രമുഖര്‍ സാക്ഷ്യം വഹിച്ചു.