Leo Update: യൂട്യൂബിൽ അനിരുദ്ധ് ഫീവർ; തരംഗമായി `ലിയോ`യിലെ `ബാഡാസ്` ഗാനം
ലോകേഷിന്റെ സിനിമാറ്റിക് യൂണിവേഴ്സായ ലോക്കിവേഴ്സിന്റെ ഭാഗമാണ് ലിയോ എന്ന് നേരത്തെ സംവിധായകൻ അറിയിച്ചിരുന്നു.
തമിഴ് സിനിമ ആരാധകർ ഏറെ കാത്തിരിക്കുന്ന വിജയ് ചിത്രമാണ് ലിയോ. ലോകേഷ് കനകരാജ് ഒരുക്കുന്ന ചിത്രം ഇതിനോടകം തന്നെ വലിയ ഹൈപ്പ് ഉണ്ടാക്കി കഴിഞ്ഞു. ചിത്രത്തെ സംബന്ധിച്ചുള്ള ഓരോ അപ്ഡേറ്റുകളും ആരാധകർക്ക് ആവേശം നൽകുന്നവയാണ്. കഴിഞ്ഞ ദിവസമിറങ്ങിയ ചിത്രത്തിലെ ലിറിക്കൽ ഇതിനോടകം യൂട്യൂബിൽ തരംഗമായി കഴിഞ്ഞു. ബാഡാസ് എന്ന് തുടങ്ങുന്ന ലിറിക്കൽ ഗാനം ട്രെൻഡിങ് നമ്പർ 1 ആണ് യൂട്യൂബിൽ. 9 മില്യണിലധികം ആളുകൾ ലിറിക്കൽ വീഡിയോ കണ്ടുകഴിഞ്ഞു. അനിരുദ്ധ സംഗീതം നൽകി ആലപിച്ച ഗാനത്തിന് വരികൾ എഴുതിയത് വിഷ്ണു എടവൺ ആണ്.
ഒക്ടോബർ 19ന് ലിയോ റിലീസ് ചെയ്യും. ഗോകുലം ഗോപാലന്റെ ശ്രീ ഗോകുലം മൂവീസ് ആണ് ചിത്രം കേരളത്തിൽ വിതരണത്തിനെത്തിക്കുന്നത്. ലിയോയുടെ ഓഡിയോ ലോഞ്ച് കഴിഞ്ഞ ദിവസം റദ്ദാക്കിയിരുന്നു. ഓഡിയോ ലോഞ്ച് പാസുകള്‍ക്കായുള്ള വന്‍ ഡിമാന്‍ഡില്‍ സുരക്ഷാകാരണങ്ങള്‍ മുന്‍നിര്‍ത്തിയാണ് ഈ പ്രീ റിലീസ് ഇവന്റ് ഒഴിവാക്കുന്നതെന്നായിരുന്നു നിർമാതാക്കളായ സെവന്‍ സ്ക്രീന്‍ സ്റ്റുഡിയോസ് അറിയിച്ചത്. തീരുമാനത്തിന് പിന്നിൽ രാഷ്ട്രീയ കാരണങ്ങൾ അല്ല എന്നും നിർമാതാക്കൾ വ്യക്തമാക്കിയിരുന്നു.
Also Read: Leo Update: കടുത്ത നിരാശയിൽ ആരാധകർ, 'ലിയോ'യ്ക്ക് ഓഡിയോ ലോഞ്ച് ഇല്ല; യഥാർത്ഥ കാരണം ഇതാണ്!!
ലോകേഷ് കനകരാജ് - വിജയ് കൂട്ടുകെട്ടിൽ എത്തുന്ന ചിത്രം എന്നത് തന്നെയാണ് സിനിമയ്ക്ക് ഇത്ര വലിയ ഹൈപ്പ് ലഭിക്കാൻ കാരണം. ചിത്രത്തിന്റെ ഫസ്റ്റ് ലുക്ക് പോസ്റ്ററും, ടീസറും, വിവിധ ഭാഷകളിലുള്ള പോസ്റ്ററുകളും ഇതിനോടകം തന്നെ വൈറലാണ്. സെവൻ സ്‌ക്രീൻ സ്റ്റുഡിയോ, ദി റൂട്ട് എന്നിവയുടെ ബാനറുകളിൽ ലളിത് കുമാറും ജഗദീഷ് പളനിസാമിയും ചേർന്നാണ് ലിയോ നിർമിക്കുന്നത്. തൃഷ, സഞ്ജയ് ദത്ത്, അർജുൻ സർജ, ഗൗതം മേനോൻ, മിഷ്കിൻ, മാത്യു തോമസ്, മൻസൂർ അലി ഖാൻ, പ്രിയ ആനന്ദ്, സാൻഡി, ജനനി, അഭിരാമി വെങ്കിടാചലം, ബാബു ആന്റണി തുടങ്ങി നിരവധി താരങ്ങളാണ് ചിത്രത്തിൽ അണിനിരക്കുന്നത്. ഡി.ഒ.പി : മനോജ് പരമഹംസ, ആക്ഷൻ : അൻപറിവ്, എഡിറ്റിങ് : ഫിലോമിൻ രാജ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...