ഭാവനയ്ക്ക് വധഭീഷണി: രഹസ്യമൊഴി നല്‍കി താര൦!
സമൂഹ മാധ്യമത്തിൽ അജ്ഞാതൻ ഭീഷണിപ്പെടുത്തിയതിനെതിരെ നൽകിയ പരാതിയില്‍ ചലച്ചിത്ര താരം ഭാവന ചാവക്കാട് കോടതിയില്‍ രഹസ്യമൊഴി നല്‍കി.
ചാവക്കാട്: സമൂഹ മാധ്യമത്തിൽ അജ്ഞാതൻ ഭീഷണിപ്പെടുത്തിയതിനെതിരെ നൽകിയ പരാതിയില്‍ ചലച്ചിത്ര താരം ഭാവന ചാവക്കാട് കോടതിയില്‍ രഹസ്യമൊഴി നല്‍കി.
ഭാവനയുടെ ഇൻസ്റ്റ ഗ്രാം പേജിലാണ് വ്യാജ പ്രൊഫൈൽ ഉപയോഗിച്ച് അജ്ഞാതൻ അശ്ലീലം കലര്‍ന്ന ഭാഷയില്‍ വധഭീഷണി മുഴക്കിയത്.
ഇത് സംബന്ധിച്ച പരാതിയിൽ കഴിഞ്ഞ ജൂലൈ ഒന്നിനാണ് തൃശൂർ ഈസ്റ്റ് പൊലീസ് കേസെടുത്തത്. തുടര്‍ന്ന്, തൃശൂര്‍ ചീഫ് ജുഡീഷ്യല്‍ മജിസ്ട്രേറ്റിന്‍റെ നിര്‍ദേശ പ്രകാരമാണ് ഭാവന രഹസ്യമൊഴി നല്‍കിയത്.
ചൊവ്വാഴ്ച വൈകീട്ട് നാലുമണിക്ക് കോടതിയില്‍ എത്തിയ താരം ഫസ്റ്റ് ക്ലാസ് മജിസ്‌ട്രേറ്റ് കെ.ബി വീണയ്ക്ക് മുമ്പാകെയാണ് രഹസ്യമൊഴി നല്‍കിയത്.