Maamannan OTT : മാമന്നൻ ഒടിടിയിലേക്ക്; എപ്പോൾ, എവിടെ കാണാം?
Maamannan OTT Platform : നെറ്റ്ഫ്ലിക്സിനാണ് മാമന്നൻ സിനിമയുടെ ഒടിടി അവകാശം
വടിവേലു, ഉദയനിധി സ്റ്റാലിൻ, ഫഹദ് ഫാസിൽ, കീർത്തി സുരേഷ്, എന്നിവർ കേന്ദ്ര കഥാപാത്രങ്ങളായി എത്തി തിയറ്ററുകളിൽ മികച്ച അഭിപ്രായം നേടിയെടുത്ത ചിത്രമാണ് 'മാമന്നൻ'. ചിത്രം ഒടിടി റിലീസിനൊരുങ്ങുകയാണ്. ജൂൺ 29ന് തിയറ്ററുകളിൽ എത്തിയ ചിത്രം ഈ ജൂലൈ 27ന് ഒടിടി സംപ്രേഷണത്തിനൊരുങ്ങുകയാണ്. ഒടിടി പ്ലാറ്റ്ഫോമായ നെറ്റ്ഫ്ലിക്സിനാണ് ചിത്രത്തിന്റെ ഡിജിറ്റൽ അവകാശം. വടിവേലുവിന്റെ ഗംഭീര തിരിച്ചുവരവിന് സാക്ഷിയായ ചിത്രമാണ് മാമന്നൻ.
മാരി സെല്‍വരാജാണ് ചിത്രം സംവിധാനം ചെയ്യുന്നത്. മാരി ശെല്‍വരാജ് തന്നെയാണ് ചിത്രത്തിന്റെ തിരക്കഥയും ഒരുക്കിയിരിക്കുന്നത്. പരിയേറും പെരുമാൾ, കർണൻ എന്നീ ചിത്രങ്ങൾക്കു ശേഷം മാരി സെൽവരാജ് സംവിധാനം ചെയ്യുന്ന ചിത്രം കൂടിയാണ് മാമന്നൻ.
എ ആര്‍ റഹ്‍മാനാണ് ചിത്രത്തിന്റെ സംഗീത സംവിധാനം നിര്‍വഹിച്ചിരിക്കുന്നത്. ഉദയനിധി സ്റ്റാലിൻ തന്നെയാണ് ചിത്രം നിര്‍മിക്കുന്നത്. റെഡ് ജയിന്റ് മൂവീസിന്റെ ബാനറിലാണ് നിർമ്മാണം. തേനി ഈശ്വർ ആണ് ഛായാഗ്രഹണം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...