Makal Movie OTT RElease : ജയറാം - മീര ജാസ്മിൻ ചിത്രം മകൾ ഉടൻ ഒടിടിയിൽ എത്തും; എപ്പോൾ, എവിടെ കാണാം?
Makal Movie OTT Release Update : ചിത്രം ആഗസ്റ്റ് 18 നാണ് ഒടിടി പ്ലാറ്റ്‌ഫോമുകളിൽ റിലീസ് ചെയ്യുന്നത്. ചിത്രം ഒടിടി പ്ലാറ്റ്‌ഫോമുകളായ മനോരമ മാക്സ്, സിംപ്ലി സൗത്ത് എന്നിവിടങ്ങളിൽ എത്തുമെന്നാണ് അറിയിച്ചിരിക്കുന്നത്.
ജയറാമും മീര ജാസ്മിനും കേന്ദ്ര കഥാപാത്രങ്ങളായി എത്തിയ ചിത്രം മകൾ ഉടൻ ഒടിടി പ്ലാറ്റ്‌ഫോമുകളിൽ റിലീസ് ചെയ്യും. ചിത്രം ഒടിടി പ്ലാറ്റ്‌ഫോമുകളായ മനോരമ മാക്സ്, സിംപ്ലി സൗത്ത് എന്നിവിടങ്ങളിൽ എത്തുമെന്നാണ് അറിയിച്ചിരിക്കുന്നത്. ചിത്രം ആഗസ്റ്റ് 18 നാണ് ഒടിടി പ്ലാറ്റ്‌ഫോമുകളിൽ റിലീസ് ചെയ്യുന്നത്. ഏപ്രിൽ 29 ന് തീയേറ്ററുകളിൽ റിലീസ് ചെയ്ത ചിത്രമാണ് മകൾ. എന്നാൽ തീയേറ്ററുകളിൽ മികച്ച അഭിപ്രായം നേടാൻ ചിത്രത്തിന് സാധിച്ചിരുന്നില്ല. 12 വർഷത്തിന് ശേഷം എത്തിയ ജയറാം - സത്യൻ അന്തിക്കാട് ചിത്രമായിരുന്നു മകൾ. കൂടാതെ മീര ജാസ്മിനെ കാലങ്ങൾക്ക് ശേഷം വെള്ളിത്തിരയിലേക്ക് തിരിച്ചെത്തിച്ച ചിത്രമെന്ന പ്രത്യേകതയും മകൾക്ക് ഉണ്ട്.
"ഞാൻ പ്രകാശൻ" എന്ന ചിത്രത്തിന് ശേഷം സത്യൻ അന്തിക്കാട് സംവിധാനം ചെയ്ത ചിത്രമാണ് മകൾ. ഒരു ടീനേജ് പെണ്കുട്ടി കടന്ന് പോകുന്ന അവളുടെ ജീവിതവും പ്രശ്നങ്ങളും 15 വർഷങ്ങൾക്ക് ശേഷം അവളെ കാണുകയും അവളുടെ സ്വഭാവം പോലും എന്തെന്ന് മനസ്സിലാവുന്നതിന് മുന്നേ തന്നെ ഒറ്റക്ക് അവളെ നോക്കേണ്ടി വരുന്ന അച്ഛന്റെയും കഥയാണ് മകൾ. തുടക്കം മുതൽ അവസാനം വരെ നർമത്തിൽ പൊതിഞ്ഞ് പറയുന്ന ചിത്രം പല ഗൗരവമുള്ള വിഷയങ്ങളും കൈകാര്യം ചെയ്യുന്നുണ്ട്. ഗൾഫുകാരന്റെ ഭാര്യ എന്ന് നാട്ടിൽ കേൾക്കുമ്പോഴുള്ള അടക്കം പറച്ചിലും പരിഹാസവും ഉൾപ്പെടെ ഒരുപാട് വിഷയങ്ങൾ ചിത്രം ചർച്ച ചെയ്യുന്നുണ്ട്.
ALSO READ: Makal Release Date: സത്യൻ അന്തിക്കാടിന്റെ 'മകൾ' ഏപ്രിൽ 29ന് തിയേറ്ററുകളിൽ
നീണ്ട നാളുകൾക്ക് ശേഷം ജയറാം, സത്യൻ അന്തിക്കാട്, മീര ജാസ്മിൻ കൂട്ടുകെട്ടിൽ ഇറങ്ങിയ ചിത്രമായിരുന്നതിനാൽ പ്രഖ്യാപന സമയം മുതൽ സിനിമയുമായി ബന്ധപ്പെട്ട ഓരോ വിശേഷങ്ങളും ഏറെ ശ്രദ്ധ നേടിയിരുന്നു. 2010ൽ പുറത്തിറങ്ങിയ കഥ തുടരുന്നു എന്ന ചിത്രമാണ് ജയറാം-സത്യൻ അന്തിക്കാട് കോമ്പോയിൽ ഇറങ്ങിയ അവസാന ചിത്രം. ഇന്നത്തെ ചിന്താവിഷയം ആണ് സത്യൻ അന്തിക്കാട്, മീര ജാസ്മിൻ കൂട്ടുകെട്ടിൽ ഇറങ്ങിയ അവസാന ചിത്രം. 2008ലായിരുന്നു ഇന്നത്തെ ചിന്താവിഷയം പുറത്തിറങ്ങിയത്. 2018ൽ ഇറങ്ങിയ ഞാൻ പ്രകാശൻ എന്ന സിനിമയ്ക്ക് ശേഷമെത്തുന്ന സത്യൻ അന്തിക്കാട് ചിത്രമാണ് മകൾ.
ഒരു ഇന്ത്യൻ പ്രണയക്കഥ, ജോമോന്റെ സുവിശേഷങ്ങൾ തുടങ്ങിയ ചിത്രങ്ങൾക്ക് ശേഷം സത്യൻ അന്തിക്കാടിന് വേണ്ടി ഇക്ബാൽ കുറ്റിപ്പുറം തിരക്കഥ ഒരുക്കിയ ചിത്രമാണ് മകൾ. സെൻട്രൽ പ്രൊഡക്ഷൻസാണ് ചിത്രം നിർമിക്കുന്നത്. ചിത്രത്തിന്റെ ഛായാഗ്രഹണം നിർവ്വഹിക്കുന്നത് എസ് കുമാറാണ്. ഞാന്‍ പ്രകാശനിൽ ടീന എന്ന കഥാപാത്രത്തെ അവതരിപ്പിച്ച ദേവിക സഞ്ജയ് ആണ് ഈ ചിത്രത്തിൽ മറ്റൊരു പ്രധാന കഥാപാത്രത്തെ അവതരിപ്പിച്ചിരിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...