Falimy Movie OTT : ഫാലിമി ഒടിടിയിൽ എത്തി; എപ്പോൾ, എവിടെ കാണാം?

Falimy OTT Updates : തിയറ്ററുകളിൽ ചിരി പൂരം തീർത്ത ബേസിൽ ജോസഫ് നായകനായി എത്തിയ ചിത്രം ഫാലിമി ഒടിടിയിൽ എത്തി. തിയറ്ററിൽ വൻ വിജയം നേടിയ ചിത്രത്തിന്റെ ഒടിടി അവകാശം സ്വന്തമാക്കിയിരിക്കുന്നത് ഡിസ്നി പ്ലസ് ഹോട്ട്സ്റ്റാറിനാണ്. കഴിഞ്ഞ് ദിവസം (ഡിസംബർ 18) രാത്രിയിൽ ചിത്രം ഡിജിറ്റൽ സംപ്രേഷണം ആരംഭിച്ചിരുന്നു. നേരത്തെ ചിത്രം ഡിസംബർ 15ന് ഒടിടിയിൽ എത്തുമെന്നായിരുന്നു അറിയിച്ചിരുന്നത്. എന്നാൽ ചിത്രം തിയറ്ററിൽ റിലീസായി 30 ദിവസം പിന്നിടാത്തതുകൊണ്ടാണ് റിലീസ് ഇന്നത്തേക്ക് നീട്ടിയത്. 

നവംബർ 17നായിരുന്നു ഫാലിമി തിയറ്ററുകളിൽ എത്തിയത്. ജാനേമൻ, ജയ ജയ ജയ ജയ ഹേ എന്നീ ചിത്രങ്ങൾക്ക് ശേഷം ചീയേഴ്‌സ് എന്റർടെയ്ൻമെന്റ്സ് നിർമ്മിച്ച ചിത്രമാണ് ഫാലിമി. ജ​ഗദീഷും മഞ്ജു പിള്ളയും ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നു. അച്ഛനും മകനുമായാണ് ജ​ഗദീഷും ബേസിലും ചിത്രത്തിലെത്തിയത്. 

നവാഗതനായ നിതിഷ് സഹദേവ് ഒരുക്കിയിരിക്കുന്നത്. ചിയേഴ്‌സ് എന്റർടൈൻമെന്റ്സിന്റെ ബാനറിൽ ലക്ഷ്മി വാര്യർ, ഗണേഷ് മേനോൻ എന്നിവരും സൂപ്പർ ഡൂപ്പർ ഫിലിംസിന്റെ ബാനറിൽ അമൽ പോൾസനും ചേർന്നാണ് ചിത്രത്തിന്റെ നിർമ്മാണം. മഞ്ജു പിള്ള, സിദ്ധാർദ്ധ് പ്രദീപ്, മീനാരാജ് എന്നിവരാണ് ഫാലിമിയിലെ മറ്റു താരങ്ങൾ.

സംവിധായകൻ നിതീഷ് സഹദേവും സാഞ്ചോ ജോസഫും ചേർന്നാണ് തിരക്കഥ ഒരുക്കിയിരിക്കുന്നത്. പ്രൊഡക്‌ഷൻ കൺട്രോളർ പ്രശാന്ത് നാരായണൻ. ജോൺ പി. എബ്രഹാം, റംഷി അഹമ്മദ്, ആദർശ് നാരായണൻ എന്നിവരാണ് കോ പ്രൊഡ്യൂസേഴ്‍സ്. മേക്കപ്പ് സുധി സുരേന്ദ്രൻ. കോസ്റ്റും ഡിസൈനെർ വിശാഖ് സനൽകുമാർ. സൗണ്ട് ഡിസൈൻ ശ്രീജിത്ത്‌ ശ്രീനിവാസൻ, സൗണ്ട് മിക്സിങ് വിപിൻ നായർ, ചീഫ് അസോസിയേറ്റ് ഡയറക്ടർ അനൂപ് രാജ്, ത്രിൽസ് പി സി സ്റ്റണ്ട്സ്, വാർത്താ പ്രചരണം വൈശാഖ് വടക്കേവീട്, ജിനു അനിൽകുമാർ, സ്റ്റിൽസ് അമൽ സി സാധർ, ടൈറ്റിൽ ശ്യാം സി ഷാജി, ഡിസൈൻ യെല്ലോ ടൂത്ത് എന്നിവരുമാണ്.