Kapkapiii Movie : രോമാഞ്ചം ഹിന്ദിയിൽ എത്തുമ്പോൾ `കപ്കപി`, ഒപ്പം നായികമാരും; പോസ്റ്റർ പുറത്ത്

മലയാളത്തിൽ ഫെബ്രുവരി വസന്തത്തിന് തുടക്കമിട്ട രോമാഞ്ചം സിനിമയുടെ ഹിന്ദി റിമേക്ക് പ്രഖ്യേപിച്ചു. മലയാളിയും കൂടിയായ പ്രമുഖ സംവിധായകൻ സംഗീത് ശിവൻ ഒരുക്കുന്ന ചിത്രത്തിന് കപ്കപിയെന്നാണ് പേരിട്ടിരിക്കുന്നത്. ബ്രാവോ എൻ്റർടെയ്ന്‍‍മെന്‍റിന്‍റെ ബാനറിൽ ജയേഷ് പട്ടേൽ ആണ് ചിത്രം നിർമ്മിക്കുന്നത്. ബോളിവുഡിലെ യുവതാരങ്ങളായ ശ്രേയസ് തൽപാഡെ, തുഷാർ കപൂർ, സിദ്ധി ഇദ്നാനി, സോണിയ റാത്തി, ദിബേന്ദു ഭട്ടാചാര്യ, സാക്കീർ ഹുസൈൻ എന്നിവരാണ് ചിത്രത്തിൽ പ്രധാന വേഷങ്ങളിലെത്തുന്നത്

മെഹക് പട്ടേൽ ആണ് ചിത്രത്തിന്റെ സഹനിർമ്മാതാവ്. ഛായാഗ്രഹണം ദീപ് സാവന്ത്, തിരക്കഥ സൗരഭ് ആനന്ദ്, കുമാർ പ്രിയദർശി, മ്യൂസിക് അജയ് ജയന്തി, എഡിറ്റർ ബണ്ടി നാഗി, പിആർഒ പി ശിവപ്രസാദ് എന്നിവരാണ് മറ്റ് അണിയറ പ്രവർത്തകർ. ചിത്രം ജൂൺ റിലീസ് ആവുമെന്ന് സംവിധായകൻ അറിയിച്ചു. രോമാഞ്ചം പോലെ ഹൊറർ കോമഡി വിഭാഗത്തിൽ ഒരുക്കുന്ന ചിത്രമാണ് കാപ്കപി

സൗബിന്‍ ഷാഹിർ അർജുൻ അശോകൻ എന്നിവർ  കേന്ദ്രകഥാപാത്രങ്ങളായി എത്തിയ ചിത്രമാണ് രോമാഞ്ച്. നവാഗതനായ ജിത്തു മാധവാണ് ചിത്രം സംവിധാനം ചെയ്തിരിക്കുന്നത്. 2023ൽ മലയാളത്തിൽ റിലീസ് ചിത്രങ്ങൾ ഏറ്റവും വിജയങ്ങളിൽ നേടിയ സിനിമകളിൽ ഒന്നായിരുന്നു രോമാഞ്ചം. ഫഹദ് ഫാസിൽ നായകനായി എത്തുന്ന ആവേശം സിനിമ രോമാഞ്ചം സിനിമയിലെ ഒരു സ്പിനോഫാണ്. ജിത്തു മാധവ് തന്നെയാണ് ചിത്രം ഒരുക്കുന്നത്.