Mammootty: ജയറാമിന്റെ `ഓസ്‍ലറി`ൽ മമ്മൂട്ടി; ലൊക്കേഷൻ ചിത്രം വൈറൽ
ഓസ്ലറിൽ ഗസ്റ്റ് റോളിൽ മമ്മൂട്ടി എത്തുന്നു എന്ന റിപ്പോർട്ടുകൾ നേരത്തെ തന്നെ പുറത്തുവന്നിരുന്നു.
ജയറാം നായകനായി എത്തുന്ന ഏറ്റവും പുതിയ ചിത്രമാണ് അബ്രഹാം ഓസ്‍ലർ. വലിയ പ്രതീക്ഷയാണ് പ്രേക്ഷകർ ഈ ചിത്രത്തിന് നൽകിയിരിക്കുന്നത്. ചിത്രത്തിന്റെ പുതിയ അപ്ഡേറ്റ് ആണ് ഇപ്പോൾ വൈറലാകുന്നത്. ചിത്രത്തിൽ മമ്മൂട്ടി ഗസ്റ്റ് റോളിൽ എത്തുന്നു എന്ന വാർത്ത നേരത്തെ തന്നെ സോഷ്യൽ മീഡിയയിൽ വലയി ട്രെൻഡിങ് ആയിരുന്നു. ഇപ്പോഴിതാ ഓസ്ലറിന്റെ ലൊക്കേഷനിൽ നിന്നുള്ള മമ്മൂട്ടിയുടെ ചിത്രമാണ് വൈറലാകുന്നത്. ആരാധകർ മമ്മൂട്ടിയുടെ ഈ ചിത്രം ഏറ്റെടുത്ത് കഴിഞ്ഞു. വളരെ വേഗത്തിലാണ് ചിത്രം വൈറലായത്.
ടൈറ്റിൽ കഥാപാത്രത്തെയാണ് ജയറാം ഈ ചിത്രത്തിൽ അവതരിപ്പിക്കുന്നത്. താടിയും മുടിയും നരച്ച് അൽപം പ്രായം തോന്നിപ്പിക്കുന്ന ലുക്കിലാണ് ജയറാം എത്തുന്നത്. 'അഞ്ചാം പാതിര' എന്ന സൂപ്പർ ഹിറ്റ് ചിത്രത്തിന് ശേഷം മിഥുൻ മാനുവൽ തോമസ് സംവിധാനം ചെയ്യുന്ന ചിത്രമാണ് ഓസ്‍ലർ. ചിത്രം മികച്ച ഒരു എന്റർടെയ്നർ ആയിരിക്കുമെന്നാണ് ഇറങ്ങിയ പോസ്റ്ററുകൾ നൽകുന്ന സൂചന. ചിത്രം ഉടൻ തന്നെ തിയേറ്ററുകളിൽ എത്തും.
ഒരു മരണത്തെ കുറിച്ചുള്ള അന്വേഷണമാണ് അബ്രഹാം ഓസ്‍ലർ എന്ന ചിത്രം പറയുന്നത്. മെഡിക്കൽ പശ്ചാത്തലത്തിൽ ഒരുങ്ങുന്ന ക്രൈം ത്രില്ലർ ചിത്രമാണിത്. അർജുൻ അശോകൻ, ദിലീഷ് പോത്തൻ, ജഗദീഷ്, അനശ്വര രാജൻ, സെന്തിൽ കൃഷ്‍ണ, അർജുൻ നന്ദകുമാർ, ആര്യ സലിം, അസീം ജമാൽ എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
സംഗീതം മിഥുൻ മുകുന്ദ്, എഡിറ്റിംഗ് സൈജു ശ്രീധർ, കലാസംവിധാനം ഗോകുൽദാസ്, മേക്കപ്പ് റോണക്സ്‌ സേവ്യർ, കോസ്റ്റ്യും ഡിസൈൻ അരുൺ മനോഹർ, ക്രിയേറ്റീവ് ഡയറക്ടർ പ്രിൻസ് ജോയ്, അസ്റ്റോസ്സിയേറ്റ് ഡയറക്ടേർസ് റോബിൻ വർഗീസ്, രജീഷ് വേലായുധൻ, നിര്‍മാണം ഇര്‍ഷാദ് എം ഹസ്സൻ, മിഥുൻ മാനുവല്‍ തോമസ്, എക്സിക്യുട്ടീവ് പ്രൊഡ്യൂസർ ജോൺ മന്ത്രിക്കൽ, ലൈൻ പ്രൊഡ്യൂസർ സുനിൽ സിംഗ്, പ്രൊഡക്ഷൻ എക്സിക്യുട്ടീവ് പ്രസാദ് നമ്പ്യാങ്കാവ്, പ്രൊഡക്ഷൻ കൺട്രോളർ പ്രശാന്ത് നാരായണൻ, ഫോട്ടോ സുഹൈബ്, പിആര്‍ഒ വാഴൂര്‍ ജോസ് എന്നിവരാണ് മറ്റ് അണിയറ പ്രവർത്തകർ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...