Naane Varuvean OTT release: ധനുഷ് ചിത്രം `നാനേ വരുവേൻ` ഒടിടിയിലേക്ക്; റിലീസ് തിയതി പ്രഖ്യാപിച്ചു
Naane Varuvean: ധനുഷിന്റെ സഹോദരൻ സെല്‍വരാഘവനാണ് നാനേ വരുവേൻ സംവിധാനം ചെയ്തിരിക്കുന്നത്. ചിത്രം തിയേറ്ററുകളിൽ മോശമല്ലാത്ത പ്രതികരണമാണ് നേടിയത്. ചിത്രത്തിൽ ഇരട്ടവേഷത്തിലാണ് ധനുഷ് എത്തിയത്.
ധനുഷിന്റെ നാനേ വരുവേൻ ഉടൻ ഒടിടിയിൽ ഉടൻ പ്രദർശനം ആരംഭിക്കും. ധനുഷിന്റെ സഹോദരൻ സെല്‍വരാഘവൻ സംവിധാനം ചെയ്‍ത ചിത്രം തിയേറ്ററുകളിൽ മോശമല്ലാത്ത പ്രതികരണമാണ് നേടിയത്. ഒക്ടോബര്‍ 27 മുതലാണ് ആമസോണ്‍ പ്രൈം വീഡിയോയിയില്‍ 'നാനേ വരുവേൻ' സ്‍ട്രീമിങ് ആരംഭിക്കുക. സെപ്തംബർ 29-നാണ് ചിത്രം തീയേറ്ററുകളിൽ പ്രദർശനത്തിന് എത്തിയത്. ചിത്രത്തിൽ ഇരട്ടവേഷത്തിലാണ് ധനുഷ് എത്തിയത്.
വി ക്രിയേഷന്‍സിന്‍റെ ബാനറിൽ കലൈപുലി തനുവാണ് ‘നാനെ വരുവേൻ’ നിർമ്മിച്ചത്. യുവൻ ശങ്കർ രാജയാണ് ചിത്രത്തിന് സംഗീതം ഒരുക്കിയിരിക്കുന്നത്. ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത് ഓം പ്രകാശാണ്. സംവിധായകൻ സെൽവരാഘവൻ തന്നെയാണ് ചിത്രത്തിന്റെ തിരക്കഥയും ഒരുക്കിയിരിക്കുന്നത്.
ആക്ഷൻ പശ്ചാത്തലത്തിൽ ഒരുക്കിയിരുന്ന ചിത്രമാണ് നാനെ വരുവേൻ. ഇന്ദുജയാണ് ചിത്രത്തിൽ ധനുഷിന്റെ നായികയായി എത്തിയിരിക്കുന്നത്. എല്ലി അവ്‌റാം, യോഗി ബാബു തുടങ്ങിയവരും സിനിമയിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. കലാസംവിധാനം ബി കെ വിജയ് മുരുകന്‍. എഡിറ്റിംഗ് ഭുവന്‍ ശ്രീനിവാസന്‍.
നാഗാര്‍ജുനയുടെ 'ദ ഗോസ്റ്റ്' ഒടിടിയിലേക്ക്; എവിടെ, എപ്പോൾ കാണാം?
നാഗാര്‍ജുന പ്രധാന കഥാപാത്രമായി എത്തിയ ചിത്രമാണ് 'ദ ഗോസ്റ്റ്'. ഒക്ടോബർ അഞ്ചിന് തിയേറ്ററുകളിൽ റിലീസായി സമ്മിശ്ര പ്രതികരണം നേടിയ ചിത്രത്തിന്റെ ഒടിടി റിലീസ് തിയതി പ്രഖ്യാപിച്ചിരിക്കുകയാണ്. നെറ്റ്ഫ്ലിക്സിൽ നവംബർ രണ്ട് മുതൽ ചിത്രം സ്ട്രീം ചെയ്യും എന്നാണ് റിപ്പോർട്ട്. പ്രവീണ്‍ സട്ടരുവാണ് ചിത്രം സംവിധാനം ചെയ്തത്. ഒരു ആക്ഷൻ ത്രില്ലർ ചിത്രമാണ് ദ ഗോസ്റ്റ്. ചിത്രത്തിൽ ഒരു പ്രധാന കഥാപാത്രമായി മലയാളി താരം അനിഖ സുരേന്ദ്രനും അഭിനയിച്ചിട്ടുണ്ട്.
സംവിധായകൻ തന്നെയാണ് ചിത്രത്തിന്റെ തിരക്കഥാകൃത്തും. മുകേഷ് ജി ആണ് ചിത്രത്തിന്റെ ഛായാഗ്രാഹണം നിര്‍വഹിച്ചിരിക്കുന്നത്. നാഗാര്‍ജുനയുടെ ദ ഗോസ്റ്റെന്ന ചിത്രത്തിന്റെ ചിത്രസംയോജനം ധര്‍മേന്ദ്രയാണ് നിര്‍വഹിച്ചിരിക്കുന്നത്. ശ്രീ വെങ്കടേശ്വര സിനിമാസ് നോർത്ത് സ്റ്റാർ എന്റർടൈൻമെന്റ് എന്നിവർ ചേർന്നാണ് ചിത്രം നിർമ്മിച്ചത്.
അതേസമയം നാഗാര്‍ജുനയുടെ നൂറാമത്തെ ചിത്രത്തെ കുറിച്ചുള്ള വാർത്തകൾ പുറത്തുവന്നിരുന്നു. അടുത്തിടെ മോഹൻ രാജ നാഗാര്‍ജുനയുമായി കൂടിക്കാഴ്‍ച നടത്തുകയും കഥ കേള്‍പ്പിക്കുകയും ചെയ്തിരുന്നുവെന്നാണ് റിപ്പോർട്ട്. കഥ ഇഷ്‍ടപ്പെട്ട നാഗാര്‍ജുന ചിത്രം അഭിനയിക്കാൻ ഒരുങ്ങുകയാണെന്നും റിപ്പോർട്ടുകളുണ്ട്. നാഗാര്‍ജുനയുടെ മകൻ അഖില്‍ അക്കിനേനി ചിത്രത്തില്‍ അതിഥി വേഷത്തിൽ ഉണ്ടായേക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...