Nayanthara-Vignesh Shivan Wedding: ഇനി അഭ്യൂഹങ്ങളില്ല! നെറ്റ്ഫ്ലിക്സിൽ തന്നെ വരും, നയൻസ് - വിക്കി വിവാഹ വീഡിയോ ഉടനെത്തും
കഴിഞ്ഞ മാസം (ജൂൺ) ഒമ്പതിനാണ് നയൻതാര-വിഘ്നേഷ് ശിവൻ ജോഡികളുടെ വിവാഹ നടന്നത്. മഹാബലിപുരത്തെ ഒരു റിസോർട്ടിൽ വച്ചായിരുന്നു കല്യാണം.
അഭ്യൂഹങ്ങൾക്കെല്ലാം വിരാമമിട്ട് നെറ്റ്ഫ്ലിക്സ് ആ പ്രഖ്യാപനം നടത്തി. തെന്നിന്ത്യൻ താരസുന്ദരി നയൻതാരയുടെയും സംവിധായകൻ വിഘ്നേഷ് ശിവന്റെയും വിവാഹ വീഡിയോ ഉടൻ സ്ട്രീം ചെയ്യുമെന്ന് നെറ്റ്ഫ്ലിക്സ് അറിയിച്ചു. ഇതിന് മുന്നോടിയായി നയൻസും വിക്കിയും ഒരുമിച്ചുള്ള ചിത്രങ്ങളും നെറ്റ്ഫ്ലിക്സ് പങ്കുവച്ചിട്ടുണ്ട്. റൗഡി പിക്ചേഴ്സിന്റെ ബാനറിലായിരിക്കും വീഡിയോ എത്തുക. വിവാഹച്ചടങ്ങുകള്‍ ചിത്രീകരിക്കുന്നതിന്റെ ചുമതല സംവിധായകന്‍ ഗൗതം മേനോനായിരുന്നു. നയൻസ്-വിക്കി വിവാഹ വീഡിയോ സ്ട്രീം ചെയ്യുന്നതിൽ നിന്ന് നെറ്റ്ഫ്ലിക്സ് പിന്മാറിയെന്ന തരത്തിൽ വാർത്തകൾ പ്രചരിച്ചിരുന്നു. ഇതിന് പിന്നാലെയാണ് ഇരുവരുടെയും ചിത്രങ്ങൾ പങ്കുവച്ച് കൊണ്ട് നെറ്റ്ഫ്ലിക്സിന്റെ പ്രഖ്യാപനം.
കഴിഞ്ഞ മാസം (ജൂൺ) ഒമ്പതിനാണ് നയൻതാര-വിഘ്നേഷ് ശിവൻ ജോഡികളുടെ വിവാഹ നടന്നത്. മഹാബലിപുരത്തെ ഒരു റിസോർട്ടിൽ വച്ചായിരുന്നു കല്യാണം. രജനികാന്ത്, കമൽ ഹാസൻ, ഷാരൂഖ് ഖാൻ, സൂര്യ, ജ്യോതിക, ആറ്റ്ലി, വിജയ് സേതുപതി തുടങ്ങി നിരവധി പ്രമുഖർ ചടങ്ങിൽ പങ്കെടുത്തിരുന്നു. വിവാഹത്തിന് ഒരാഴ്ച മുൻപ് തന്നെ ആഡംബര റിസോർട്ട് ബുക്ക് ചെയ്‍തിരുന്നു. താര വിവാഹത്തിന്‍റെ ഒടിടി സംപ്രേക്ഷണാവകാശം നെറ്റ്ഫ്ലിക്സ് സ്വന്തമാക്കിയെന്ന വാർത്തകൾ നേരത്തെ തന്നെ വന്നിരുന്നു. 25 കോടി രൂപയ്ക്കാണ് സംപ്രേക്ഷണാവകാശം നൽകിയതെന്നായിരുന്നു റിപ്പോർട്ട്.
Also Read: Nayanthara Wedding: അവരൊന്നിച്ച നിമിഷം, ആരാധകർ കാത്തിരുന്ന നയൻസ്-വിഘ്നേഷ് വിവാഹ ചിത്രങ്ങൾ
ആദ്യം തിരുപ്പതി ക്ഷേത്രത്തിൽ വെച്ചായിരുന്നു വിവാഹ ചടങ്ങുകൾ നിശ്ചയിച്ചിരുന്നതെങ്കിലും അവസാന നിമിഷം മാറ്റുകയായിരുന്നു. നീണ്ട ഏഴ് വര്‍ഷത്തെ പ്രണയത്തിന് ശേഷമാണ് നയൻതാരയും വിഘ്നേഷും വിവാഹിതരാകുന്നത്. 'നാനും റൗഡി താന്‍' എന്ന ചിത്രമാണ് ഇരുവരും ഒന്നിച്ച് ചെയ്ത ആദ്യത്തെ സിനിമ. ചിത്രത്തിന്റെ നിർമാതാവും നയൻ‌താരയായിരുന്നു.
Nayanthara - Vignesh Shivan Marriage: നയൻതാര-വിഘ്നേഷ് ശിവൻ വിവാഹത്തില്‍ പങ്കെടുത്ത് ഷാരൂഖ് ഖാൻ - ചിത്രങ്ങൾ വൈറൽ
ബോളിവുഡിന്റെ കിംഗ് ഖാൻ ഷാരൂഖ് ഖാനും നയൻസ്-വിക്കി വിവാഹത്തിൽ പങ്കെടുത്തു. വിവാഹത്തിനെത്തിയ താരത്തിന്റെ ചിത്രങ്ങൾ ഇതിനോടകം വൈറലായി കഴിഞ്ഞു. ഷാരൂഖിന്റെ മാനേജർ ആണ് ചിത്രങ്ങൾ സോഷ്യൽ മീഡിയയിൽ പങ്കുവച്ചത്. നയൻതാരയുടെ ആദ്യ ബോളിവുഡ് ചിത്രമായ 'ജവാന്‍'ലെ ഷാരൂഖ് ഖാനാണ് നായകൻ. ആറ്റ്ലിയാണ് ജവാൻ സംവിധാനം ചെയ്യുന്നത്. ഷാരൂഖ് ഖാനും ആറ്റ്ലിയും ഒരുമിച്ചുള്ള ഫോട്ടോയും സമൂഹ മാധ്യമങ്ങളിൽ ട്രെൻഡിങ് ആണ്.
കാർത്തി, വിജയ് സേതുപതി, എസ് ജെ സൂര്യ, ആർ ശരത് കുമാർ, രാധിക ശരത് കുമാർ, ദിവ്യ ദർശിനി, വസന്ത് രവി, സംവിധായകൻ ആറ്റ്ലി, നിർമാതാവ് ബോണി തുടങ്ങിയവരും വിവാഹത്തിന് എത്തിയിരുന്നു. നയൻതാരയും വിഘ്നേഷ് ശിവനും വിവാഹ ദിനത്തിൽ തമിഴ്‌നാട്ടിലുടനീളം 18,000 കുട്ടികൾക്കും ഒരു ലക്ഷം പേർക്കും ഉച്ചഭക്ഷണം നൽകിയിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...