Neeraja Movie: ശ്രുതി രാമചന്ദ്രൻ ടൈറ്റിൽ റോളിലെത്തുന്ന `നീരജ` റിലീസ് മാറ്റി; പുതിയ തിയതി ഇതാണ്!
ശ്രുതി രാമചന്ദ്രൻ, ഗോവിന്ദ് പത്മസൂര്യ എന്നിവർ കേന്ദ്ര കഥാപാത്രങ്ങളാകുന്ന നീരജ എന്ന ചിത്രത്തിന്റെ റിലീസ് ആണ് മാറ്റിയത്. പുതിയ റിലീസ് തിയതിയും പ്രഖ്യാപിച്ചിട്ടുണ്ട്.
ശ്രുതി രാമചന്ദ്രൻ ടൈറ്റിൽ റോളിലെത്തുന്ന നീരജ എന്ന ചിത്രത്തിന്റെ റിലീസ് തിയതി നീട്ടി. മെയ് 19 ന് നീരജ റിലീസ് ചെയ്യുമെന്നായിരുന്നു നേരത്തെ അറിയിച്ചിരുന്നത്. ജൂൺ 2 ആണ് പുതിയ റിലീസ് തിയതി. നായിക ശ്രുതി രാമചന്ദ്രൻ ഉൾപ്പെടെയുള്ള അണിയറ പ്രവർത്തകർ റിലീസ് തിയതി നീട്ടിയ വിവരം സമൂഹ മാധ്യമങ്ങളിൽ പങ്കുവെച്ചിട്ടുണ്ട്. പുതിയ പോസ്റ്ററിനൊപ്പമാണ് തിയതി മാറ്റിയ വിവരം അറിയിച്ചിരിക്കുന്നത്. മെയ് 19ന് റിലീസ് ചെയ്യുമെന്ന് അറിയിച്ചിരുന്നുവെങ്കിലും വിവിധ കാരണങ്ങളാൽ ആ പ്ലാനിൽ ചെറിയൊരു മാറ്റം വരുത്തിയിട്ടുണ്ട് എന്ന ക്യാപ്ഷനോടെയാണ് പുതിയ റിലീസ് തിയതി അറിയിച്ചത്.
പ്രശസ്ത തിരക്കഥാകൃത്തായ രാജേഷ് കെ രാമൻ ആദ്യമായി സംവിധാനം ചെയ്യുന്ന ചിത്രമാണ് നീരജ. ചിത്രത്തിന്റെ ട്രെയിലർ കഴിഞ്ഞ ദിവസം പുറത്തിറങ്ങിയിരുന്നു. ശ്രുതി രാമചന്ദ്രന്റെ ഒരു മികച്ച പ്രകടനം ഈ ചിത്രത്തിലൂടെ കാണാൻ സാധിക്കുമെന്ന പ്രതീക്ഷയാണ് ട്രെയിലറിലൂടെ ലഭിക്കുന്നത്.
അടുത്തിടെയാണ് ചിത്രത്തിന്റെ ഓഡിയോ ലോഞ്ച് നടന്നത്. ലുലു മാളിൽ നടന്ന ചടങ്ങിൽ വച്ചാണ് ഓഡിയോ റിലീസ് ചെയ്തത്. ടിസീരീസ് മ്യൂസിക് ആണ് ഗാനങ്ങൾ പുറത്തിറക്കുന്നത്. ചിത്രത്തിലെ ഇതുവരെ ഇറങ്ങിയ ഗാനങ്ങൾ എല്ലാം തന്നെ പ്രേക്ഷക ശ്രദ്ധ നേടിക്കഴിഞ്ഞു. ടൈറ്റിൽ റോളിൽ നീരജയായി ശ്രുതി രാമചന്ദ്രൻ എത്തുന്ന ചിത്രത്തിൽ ഗുരു സോമസുന്ദരം, ജിനു ജോസഫ്, ഗോവിന്ദ് പത്മസൂര്യ, ശ്രിന്ദ തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു.
ഹൃദയം ഫെയിം കലേഷ് രാമാനന്ദ്, രഘുനാഥ് പാലേരി, അഭിജശിവ കല, സ്മിനു സിജു, കോട്ടയം രമേശ്, സന്തോഷ് കീഴാറ്റൂർ, അരുൺകുമാർ, ശ്രുതി രജനികാന്ത്, സജിൻ ചെറുകയിൽ തുടങ്ങിയവരാണ് ചിത്രത്തിൽ മറ്റ് കഥാപാത്രങ്ങളെ അവതരിപ്പിക്കുന്നത്. ഒരു ഫാമിലി ഡ്രാമ സസ്പെൻസ് ചിത്രമായാണ് നീരജ ഒരുക്കിയിരിക്കുന്നത്. ഒരു ഫീൽ ഗുഡ് ഫാമിലി മൂവി ആണ് നീരജ. ഷേക്സ്പിയർ എം എ മലയാളം, സെയ് ( തമിഴ്), സാരഥി എന്നീ ചിത്രങ്ങൾക്ക് തിരക്കഥയും സംഭാഷണവും രചിച്ച രാജേഷ് കെ രാമൻ ആദ്യമായി സംവിധാനം ചെയ്യുന്ന ചിത്രമാണിത്.
പ്രണയത്തിനും സെക്സിനും നടുവിൽ നൂൽ പാലത്തിലൂടെയുള്ള ഒരു യാത്രയാണ് നീരജയുടെ ജീവിതം. അതിശക്തമായ കഥാപാത്രത്തെയാണ് മധുരം എന്ന ചിത്രത്തിന് ശേഷം ശ്രുതി രാമചന്ദ്രൻ നീരജയിൽ അവതരിപ്പിക്കുന്നത്. സൂരജ് പ്രൊഡക്ഷൻസിന്റെ ബാനറിൽ എം രമേഷ് റെഡ്ഡിയാണ് ചിത്രം നിർമ്മിക്കുന്നത്. കന്നട സിനിമയിൽ ഏഴോളം ചിത്രങ്ങൾ നിർമ്മിച്ച രമേശ് റെഡ്ഡിയുടെ ആദ്യ മലയാള ചിത്രം കൂടിയാണ് നീരജ.
ക്യാമറ- രാഗേഷ് നാരായണൻ, എഡിറ്റിംഗ്- അയ്യൂബ് ഖാൻ, ഗാനരചന- വിനായക് ശശികുമാർ, കവിത രമ്യത്ത് രാമൻ. സംഗീതം- സച്ചിൻ ശങ്കർ മന്നത്ത്, ചിത്രത്തിന്റെ മ്യൂസിക് ഡയറക്ടറായ സച്ചിൻ ശങ്കർ മന്നത്ത് എ ആർ റഹ്മാന്റെ അസോസിയേറ്റ് ആയിരുന്നു. പ്രശസ്ത കർണാട്ടിക് സംഗീതജ്ഞ എൻജെ നന്ദിനി ആദ്യമായി സിനിമയിൽ പാടുന്നുവെന്ന പ്രത്യേകതയും ചിത്രത്തിനുണ്ട്.
ബിജിഎം- ബിപിൻ അശോക്, കല- മനു ജഗത്ത്, മേക്കപ്പ്- പ്രദീപ് ഗോപാലകൃഷ്ണൻ, കോസ്റ്റ്യൂംസ്- ബ്യൂസി ബേബി ജോൺ, പ്രൊഡക്ഷൻ കൺട്രോളർ- സജീവ് ചന്തിരൂർ, പ്രൊഡക്ഷൻ എക്സിക്യൂട്ടീവ്- സജീവ് പുതുപ്പള്ളി, ചീഫ് അസോസിയേറ്റ് ഡയറക്ടർ- അഭി ആനന്ദ്, അസോസിയറ്റ് ഡയറക്ടർ- നിധീഷ് ഇരിട്ടി, സ്റ്റിൽസ്- രാകേഷ് നായർ, പിആർഒ- എംകെ ഷെജിൻ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...