Palthu Janwar Fashion Show: പെറ്റിന് വേണ്ടി ഒരു ഫാഷൻ മത്സരം ഒരുക്കി പാൽതു ജാൻവറിന്റെ അണിയറ പ്രവർത്തകർ; ആകർഷകമായ സമ്മാനങ്ങൾ സ്വന്തമാക്കാം
Palthu Janwar Fashion Show: #palthujanwarfashioncontest #palthujanwarmovie എന്നീ ഹാഷ്ടാഗുകളാണ് ഫാഷൻ മത്സരത്തിനായി ഉപയോഗിക്കേണ്ടത്.
നിങ്ങളുടെ പെറ്റിനെ (വളർത്തുമൃഗത്തെ) അണിയിച്ചൊരുക്കി താരമാക്കാൻ അവസരം ഒരുക്കിയിരിക്കുകയാണ് പാൽതു ജാൻവർ സിനിമയുടെ അണിയറ പ്രവർത്തകർ. നിങ്ങൾ ചെയ്യേണ്ടത് ഇത്ര മാത്രം: പാൽതു ജാൻവർ പ്രോമോ സോങ്ങിന് നിങ്ങളുടെ സുന്ദരന്മാരും സുന്ദരിമാരുമായ പെറ്റുകളെ ഡാൻസ് ചെയ്യിക്കുക. എന്നിട്ട് അവ റീലുകളാക്കി ഇൻസ്റ്റാഗ്രാമിലും ഫേസ്ബുക്കിലും പങ്കുവെച്ചതിന് ശേഷം പാൽതു ജാൻവർ ഫാഷൻ കോണ്ടെസ്റ്റ് എന്ന് ഹാഷ്ടാഗ് നൽകണം. #palthujanwarfashioncontest #palthujanwarmovie എന്നീ ഹാഷ്ടാഗുകളാണ് ഫാഷൻ മത്സരത്തിനായി ഉപയോഗിക്കേണ്ടത്. എൻട്രികൾ സമർപ്പിക്കേണ്ട അവസാന തീയതി ഓഗസ്റ്റ് 21 ആണ്. ചിത്രത്തിലെ പ്രോമോ ഗാനം കഴിഞ്ഞ ദിവസം പുറത്തുവന്നിരുന്നു. ഓണത്തിന് റിലീസിന് ഒരുങ്ങുന്ന ചിത്രമാണ് പാൽതു ജാൻവർ.
"എ പാൽതു ഫാഷൻ ഷോ" എന്ന ടൈറ്റിലിലാണ് ചിത്രത്തിലെ ഗാനം പുറത്തിറക്കിയത്. ജസ്റ്റിൻ വർഗീസ് സംഗീതമൊരുക്കി സുഹൈൽ കോയ രചന നിർവഹിച്ച "മണ്ടി മണ്ടി" എന്ന ഗാനത്തിന് ചുവട് വെയ്ക്കുന്നത് മലയാളികൾക്ക് പ്രിയങ്കരരായ ഇൻഫ്ളുവൻസേർസ് വൃദ്ധി വിശാൽ, ശങ്കരൻ വ്ലോഗ്സ്, അല്ലു വ്ലോഗ്സ്, അമേയ, ജെസ്സ് സ്വീജൻ എന്നിവരും ഒരു കൂട്ടം കുട്ടി ഡാൻസർമാരുമാണ്. ഇവരെ കൂടാതെ നിരവധി വളർത്തു മൃഗങ്ങളും കഥാപാത്രങ്ങളായി എത്തുന്നുണ്ട്. നവാഗതനായ സംഗീത് പി രാജൻ ചിത്രം സംവിധാനം ചെയ്യുന്നത്.
ALSO READ: Palthu Janwar: "എ പാൽതു ഫാഷൻ ഷോ" പ്രോമോ സോങ്ങ് എത്തി; 'പാൽതു ജാൻവർ' ഓണത്തിന് തിയേറ്ററുകളിൽ
പാൽതു ജാൻവറിൽ കേന്ദ്ര കഥാപാത്രത്തെ അവതരിപ്പിക്കുന്ന ബേസിൽ ജോസഫ് ആണ് പ്രോമോ സോങ്ങ് സംവിധാനം ചെയ്തിരിക്കുന്നത്. സമീർ താഹിർ ക്യാമറ നിർവഹിച്ചിരിക്കുന്നു. കലാസംവിധാനം അജയൻ ചാലിശ്ശേരി, കോസ്റ്റ്യൂം മഷർ ഹംസ, മെയ്ക്ക് അപ്പ് റോണക്സ് സേവ്യർ, എഡിറ്റർ ചമൻ ചാക്കോ, സൗണ്ട് നിതിൻ ലൂക്കോസ്. സെപ്റ്റംബർ ആദ്യവാരം ഓണം റിലീസായി തീയേറ്ററുകളിൽ എത്തുന്ന ചിത്രത്തിന്റെ മോഷൻ പോസ്റ്റർ ശ്രദ്ധ നേടിയിരുന്നു. കോമഡി ഡ്രാമ ചിത്രത്തിൽ ഇന്ദ്രൻസ്, ജോണി ആന്റണി, ദിലീഷ് പോത്തൻ, ഷമ്മി തിലകൻ, ശ്രുതി സുരേഷ്, ജയകുറുപ്പ്, ആതിര ഹരികുമാർ, തങ്കം മോഹൻ, സ്റ്റെഫി സണ്ണി, വിജയകുമാർ, കിരൺ പീതാംബരൻ, സിബി തോമസ്, ജോജി ജോൺ എന്നിവർ കഥാപാത്രങ്ങൾ അവതരിപ്പിക്കുന്നു.
ജസ്റ്റിൻ വർഗീസ് ആണ് സംഗീതം. വിനോയ് തോമസ്, അനീഷ് അഞ്ജലി എന്നിവരാണ് ചിത്രത്തിന്റെ രചന. ഡി.ഒ.പി രൺദീവ്, ആർട് ഗോകുൽ ദാസ്, എഡിറ്റിംഗ് കിരൺ ദാസ്, കോസ്റ്റ്യൂം മാഷർ ഹംസ, മേക്കപ്പ് റോണക്സ് സേവ്യർ, സൗണ്ട് നിഥിൻ ലൂക്കോസ്, പ്രൊഡക്ഷൻ കൺട്രോളർ ബിനു മനമ്പൂർ, വിശ്വൽ എഫക്ട് എഗ് വെെറ്റ് വി.എഫ്.എക്സ്, ടെെറ്റിൽ എൽവിൻ ചാർളി, സ്റ്റിൽസ് ഷിജിൻ പി രാജ്, എക്സിക്യൂടീവ് പ്രൊഡ്യൂസർ ബെന്നി കട്ടപ്പന, ജോസ് വിജയ്, ചീഫ് അസോസിയേറ്റ് രോഹിത്, ചന്ദ്രശേഖർ, പി.ആർ.ഒ ആതിര ദിൽജിത്ത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...