Baiju Pravoor Passed Away: സംവിധായകൻ ബൈജു പറവൂർ അന്തരിച്ചു; മരണം ചികിത്സയിലിരിക്കെ
Baiju Pravoor Passed Away: ഭക്ഷ്യവിഷബാധയെ തുടർന്നാണ് മരണം സംഭവിച്ചതെന്നാണ് സംശമെന്ന് ബന്ധുക്കൾ പറഞ്ഞു. സിനിമയുടെ ചർച്ചയുമായി ബന്ധപ്പെട്ട് കോഴിക്കോട്ട്‌ ആയിരുന്ന ബൈജു ശനിയാഴ്ച കാറിൽ മടങ്ങവെ ഒരു ഹോട്ടലിൽ നിന്നും ഭക്ഷണം കഴിച്ചിരുന്നു
പറവൂർ: ശാരീരിക അസ്വസ്ഥതയും പനിയും കാരണം ചികിത്സ തേടിയ സിനിമാ സംവിധായകനും പ്രൊഡക്ഷൻ കൺട്രോളറുമായ ബൈജു പറവൂർ അന്തരിച്ചു. 42 വയസായിരുന്നു. പറവൂർ നന്തികുളങ്ങര കൊയ്പാമഠത്തിൽ ശശിയുടെയും സുമയുടെയും മകനാണ് മരണമടഞ്ഞ ബൈജു പറവൂർ.
Also Read: ചലച്ചിത്ര നടൻ സി വി ദേവ് അന്തരിച്ചു
ഭക്ഷ്യവിഷബാധയെ തുടർന്നാണ് മരണം സംഭവിച്ചതെന്നാണ് സംശമെന്ന് ബന്ധുക്കൾ പറഞ്ഞു. സിനിമയുടെ ചർച്ചയുമായി ബന്ധപ്പെട്ട് കോഴിക്കോട്ട്‌ ആയിരുന്ന ബൈജു ശനിയാഴ്ച കാറിൽ മടങ്ങവെ ഒരു ഹോട്ടലിൽ നിന്നും ഭക്ഷണം കഴിച്ചിരുന്നു. ഇതിനുശേഷം അസ്വസ്ഥതകൾ ഉണ്ടായതിനെ തുടർന്ന് കുന്നംകുളത്തുള്ള ഭാര്യവീട്ടിലേക്ക് പോവുകയും അവിടെ ചികിത്സ തേടുകയും ചെയ്തിരുന്നു. എന്നിട്ടും അസുഖം കുറയാത്തതിനെ തുടർന്ന് പറവൂരിലെ വീട്ടിലെത്തിയ ബൈജു ഞായറാഴ്ച കുഴുപ്പിള്ളിയിലെ ആശുപത്രിയിൽ ചികിത്സ തേടിയിരുന്നു. ശേഷം ബിജുവിന്റെ ആരോഗ്യനില വഷളായതിനെ തുടർന്ന് കൊച്ചിയിലെ സ്വകാര്യ ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല.
Also Read: പപ്പുമാരും രതിച്ചേച്ചിമാരും ഒരൊറ്റ ഫ്രെയിമിൽ; അമ്മ യോഗത്തിൽ അപൂർവ്വ സംഗമം
20 വർഷമായി സിനിമാ രംഗത്ത് സജീവമായ ബൈജു പ്രൊഡക്ഷൻ എക്സിക്യുട്ടീവായും പ്രവർത്തിച്ചിരുന്നു. സ്വന്തമായി കഥയും തിരക്കഥയും എഴുതി സംവിധാനം ചെയ്ത സീക്രട്ട് എന്ന സിനിമയുടെ റിലീസിങ്ങിന് തയ്യാറെടുക്കുന്നതിനിടെയാണ് അന്ത്യം. ധന്യം, മൈഥിലി വീണ്ടും വരുന്നു, കൈതോലചാത്തൻ അടക്കം 45 സിനിമകളിൽ പ്രൊഡക്ഷൻ കൺട്രോളറായി ബൈജു പറവൂർ പ്രവർത്തിച്ചിട്ടുണ്ട്.
കന്നഡ നടൻ സൂരജിന് വാഹനാപകടത്തിൽ ഗുരുതര പരിക്ക്; വലതുകാൽ മുറിച്ചുമാറ്റി
കന്നഡ നടൻ സൂരജ് കുമാറിന് ബൈക്കപകടത്തിൽ ഗുരുതര പരിക്കേറ്റു. ശനിയാഴ്ച ബേഗൂരിനടുത്ത് മൈസൂരു-ഗുണ്ട്‌ലൂപ്പർ ഹൈവേയിൽ വെച്ചായിരുന്നു അപകടമുണ്ടായത്. പരിക്കുപറ്റിയ ഉടൻ മൈസൂരുവിലെ മണിപ്പാൽ ആശുപത്രിയിൽ പ്രവേശിപ്പിച്ച താരത്തിന്റെ വലതുകാൽ മുറിച്ചുമാറ്റിയെന്നാണ് വിവിധ ദേശീയ മാധ്യമങ്ങൾ റിപ്പോർട്ട് ചെയ്തിരിക്കുന്നത്. സൂരജിനെ ധ്രുവൻ എന്നുകൂടി അറിയപ്പെടുന്നു.
Also Read: Hanumanji Favourite Zodiac Signs: ഹനുമാന് പ്രിയം ഈ രാശിക്കാരോട്, നൽകും വൻ സമ്പൽസമൃദ്ധി!
അപകടം നടന്നത് ശനിയാഴ്ച വൈകിട്ട് നാലുമണിയോടെയാണ്. മൈസൂരിൽ നിന്നും ഊട്ടിയിലേക്ക് ബൈക്കിൽ പോവുകയായിരുന്നു സൂരജ് ട്രാക്ടറിനെ മറികടക്കാൻ ശ്രമിക്കുന്നതിനിടെ ബൈക്ക് നിയന്ത്രണം വിട്ട് ടിപ്പർ ലോറിയിൽ ഇടിക്കുകയായിരുന്നുവെന്നാണ് റിപ്പോർട്ട്. ഗുരുതരമായി പരിക്കേറ്റ താരത്തിന്റെ കാൽമുട്ടിന് താഴെ വെച്ചാണ് മുറിച്ചു മാറ്റിയിരിക്കുന്നത്. കന്നഡ സിനിമയിലെ സൂപ്പർ താരമായിരുന്ന ശിവരാജ് കുമാറിന്റെ ഭാര്യ പർവതമ്മയുടെ അനന്തരവനാണ് സൂരജ്. സൂരജിന്റെ പിതാവ് കന്നഡ നിർമാതാവ് എസ് എ ശ്രീനിവാസാണ്. കന്നഡ സൂപ്പർ സ്റ്റാർ ശിവരാജ് കുമാറും ഭാര്യയും അദ്ദേഹത്തെ ആശുപത്രിയിൽ സന്ദർശിച്ചു.
Also Read: ബുധ സൂര്യ സംഗമം ഈ 4 രാശിക്കാർക്ക് നൽകും ബമ്പർ നേട്ടങ്ങൾ!
അനൂപ് അന്തോണി സംവിധാനം ചെയ്യുന്ന ഭഗവാൻ ശ്രീകൃഷ്ണ പരമാത്മ എന്ന ചിത്രത്തിലൂടെയാണ് സൂരജ് കുമാർ അരങ്ങേറ്റം കുറിക്കേണ്ടിയിരുന്നത്. കന്നഡ താരം ദർശൻ ചിത്രം ലോഞ്ച് ചെയ്തെങ്കിലും പിന്നീട് അത് മാറ്റിവയ്ക്കുകയായിരുന്നു. രഥം എന്ന പേരിൽ മറ്റൊരു സിനിമയുടെ തിരക്കിലായിരുന്നു താരം. ഇതിനിടയിൽ പ്രിയ പ്രകാശ് വാര്യർ നായികയാവുന്ന ഇതുവരെ പേരിട്ടിട്ടില്ലാത്ത ഒരു പ്രോജക്റ്റിലും സൂരജ് ഒപ്പുവച്ചിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...