Romancham Movie : രോമാഞ്ചം തിയറ്ററുകളിലേക്ക്; പുതിയ പോസ്റ്റർ പങ്കുവച്ച് അണിയറ പ്രവർത്തകർ
Romancham Movie New Release Date : നേരത്തെ 2022 ഒക്ടോബറിൽ റിലീസ് ചെയ്യാൻ ഇരുന്ന ചിത്രമായിരുന്നു രോമാഞ്ചം
സൗബിൻ ഷാഹിർ, അർജുൻ അശോകൻ എന്നിവർ കേന്ദ്ര കഥാപാത്രങ്ങളായി എത്തുന്ന പുതിയ ചിത്രമാണ് രോമാഞ്ചം. ചിത്രം ഫെബ്രുവരി മൂന്നിന് തിയറ്ററുകളിൽ റിലീസ് ചെയ്യാൻ ഒരുങ്ങുകയാണ്. കഴിഞ്ഞ വർഷം ഒക്ടോബറിൽ തിയറ്ററുകളിൽ പ്രദർശിപ്പിക്കാനിരുന്ന ചിത്രം സാങ്കേതിക പ്രശ്നങ്ങളെ തുടർന്ന് റിലീസ് മാറ്റിവെക്കുകയായിരുന്നു. ഇപ്പോൾ രോമാഞ്ചത്തിന്റെ ഏറ്റവും പുതിയ പോസ്റ്റർ പങ്കുവച്ചിരിക്കുകയാണ് അണിയറ പ്രവർത്തകർ. 80കളിലെ ലുക്കിൽ സൗബിനും മറ്റ് താരങ്ങളും മതിലിന്മേൽ ഇരിക്കുന്നതാണ് പുതിയ പോസ്റ്റർ.
നേരത്തെ ഇറങ്ങിയ ചിത്രത്തിന്റെ ട്രെയിലർ ഏറെ ശ്രദ്ധ നേടിയിരുന്നു. ഹൊറർ കോമഡി ചിത്രമാണ് രോമാഞ്ചം. ജിത്തു മാധവനാണ് ചിത്രം സംവിധാനം ചെയ്യുന്നത്. ജോൺപോൾ ജോർജ് പ്രൊഡക്ഷൻസ്, ഗപ്പി സിനിമാസ് എന്നീ ബാനറുകളിലാണ് ചിത്രത്തിന്റെ നിർമ്മാണം. ജോൺപോൾ ജോർജ്, സൗബിൻ ഷാഹിർ, ഗിരീഷ് ഗംഗാധരൻ എന്നിവർ ചേർന്നാണ് ചിത്രം നിർമ്മിക്കുന്നത്. അന്നം ജോൺപോൾ, സുഷിൻ ശ്യാം എന്നിവരാണ് സഹനിർമ്മാതാക്കൾ.
ALSO READ : Christopher OTT Update : മമ്മൂട്ടിയുടെ ക്രിസ്റ്റഫറിന്റെ ഡിജിറ്റൽ അവകാശങ്ങൾ ഈ ഒടിടി പ്ലാറ്റ്‌ഫോമിന്?
ചെമ്പൻ വിനോദും ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നു. സുശിൻ ശ്യാം ആണ് ചിത്രത്തിന്റെ സംഗീത സംവിധായകൻ. രോമാഞ്ചത്തിനായി സുശിൻ ഒരുക്കിയ ആദരാഞ്ജലി ഗാനം സോഷ്യൽ മീഡിയയിൽ വൈറാലായിരുന്നു. സാനു താഹിർ ഛായാഗ്രഹണവും കിരൺ ദാസ് എഡിറ്റിങ്ങും നിർവഹിക്കുന്നു.
മഷർ ഹംസം - കോസ്റ്റ്യൂംസ്, മേക്കപ്പ് - ആർ.ജി വെയ്നാടൻ, സൗണ്ട് ഡിസൈൻ - എം.ആർ രാജകൃഷ്ണൻ, പ്രൊഡക്ഷൻ കൺട്രോളർ - ജിനു പി.കെ, സ്റ്റിൽസ് - ആർ. റോഷൻ. സെൻട്രൽ പിക്ചേഴ്സ് ആണ് ചിത്രം വിതരണം ചെയ്യുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...