ഖുഷിക്കൊപ്പമുള്ള സുന്ദര നിമിഷങ്ങൾ പങ്കുവെച്ച് സായ് പല്ലവി

ഈ കൊറോണ (Covid19) കാലത്ത് സാധാരണ മനുഷ്യരെപ്പോലെ തന്നെ താരങ്ങളും അവനവന്റെ വീടുകളിൽ തന്നെയാണ് സമയം ചെലവഴിച്ചത്.  മാത്രമല്ല ഈ സമയം സജീവമല്ലാത്ത പല താരങ്ങളും സോഷ്യൽ മീഡിയയിൽ സജീവമാകുകയും ചെയ്തു.  

സായ് പല്ലവിയും (Sai Pallavi) സോഷ്യൽ മീഡിയയിൽ സജീവമാണ്.  താരം പങ്കുവെക്കുന്ന ചിത്രങ്ങൾ മിക്കതും അലസതയോടെ സമാധാനത്തോടെയിരിക്കുന്നതാണ്.  അങ്ങനെ പങ്കുവെച്ച ഈ ചിത്രങ്ങൾ ഇപ്പോൾ സോഷ്യൽ മീഡിയയിൽ വൈറലാകുകയാണ്.  തന്റെ വളർത്തുനായയായ ഖുഷി (Kushie)ക്കൊപ്പം പൂന്തോട്ടത്തിൽ സമയം ചിലവഴിക്കുന്ന സായിയുടെ ചിത്രങ്ങളാണ് വൈറലാകുന്നത്.     

ഇപ്പോൾ വീണ്ടും സിനിമയുടെ തിരക്കുകളിലേക്ക് തിരിയുന്നതിന് മുൻപുള്ള കുറച്ചു ദിവസങ്ങൾ കൂടി ആഘോഷമാക്കുകയാണ് താരം.  കാഷ്വൽ ബ്ല്യൂ പാന്റും ടി ഷർട്ടും ധരിച്ച് ഇരിക്കുന്ന സായിയുടെ ചിത്രങ്ങൾ ആരാധകർ ഏറ്റെടുത്തിട്ടുണ്ട്.   

പ്രേമത്തിലെ 'മലർ മിസ്' (Malar Miss) ആയി മലയാളത്തിലേക്ക് ചേക്കേറിയ പ്രിയ താരമാണ് സായ് പല്ലവി (Sai Pallavi). മറ്റ് തെന്നിന്ത്യൻ ഭാഷകളിലൊക്കെ താരം അഭിനയിച്ചിട്ടിട്ടുണ്ടെങ്കിലും ഇന്നും മലർ മിസിന്റെ പേരിലാണ് താരം അറിയപ്പെടുന്നത്.