Sayanna Varthakal: ``വ്യത്യസ്തനായ രവികുമാറിനെ സമൂഹം അംഗീകരിച്ചിരുന്നില്ല``, രസകരമായ ട്രെയിലറുമായി `സായാഹ്ന വാർത്തകൾ`
അജു വര്‍ഗീസ്, ഇന്ദ്രന്‍സ്, മകരന്ദ് ദേശ്പാണ്ഡേ, ശരണ്യ ശര്‍മ്മ, ആനന്ദ് മന്മഥന്‍ തുടങ്ങിയവരാണ് ചിത്രത്തിലെ മറ്റ് താരങ്ങൾ. ഡി 14 എന്‍റര്‍ടെയ്ന്‍‍മെന്‍റ്സിന്‍റെ ബാനറില്‍ മഹ്ഫൂസ് എം ഡിയും നൗഷാദ് ടിയും ചേര്‍ന്നാണ് ചിത്രം നിർമ്മിക്കുന്നത്.
ഗോകുല്‍ സുരേഷ്, ധ്യാന്‍ ശ്രീനിവാസന്‍ എന്നിവരെ കേന്ദ്ര കഥാപാത്രങ്ങളാക്കി അരുൺ ചന്ദു സംവിധാനം ചെയ്യുന്ന ചിത്രമാണ് സായാഹ്ന വാർത്തകൾ. സോഷ്യോ പൊളിറ്റിക്കല്‍ ത്രില്ലര്‍ വിഭാഗത്തില്‍ പെടുന്ന ചിത്രത്തിന്റെ ട്രെയിലർ പുറത്തുവിട്ടു. വളരെ രസകരമായൊരു ട്രെയിലറാണ് പുറത്തിറക്കിയിട്ടുള്ളത്. സോഷ്യോ പൊളിറ്റിക്കല്‍ ത്രില്ലര്‍ ആണ് ചിത്രമെങ്കിലും തമാശ നിറഞ്ഞ പല സീനുകളും ട്രെയിലറിൽ തന്നെ കാണുന്നുണ്ട്. കോമഡിക്കും പ്രാധാന്യം നൽകിയിട്ടുണ്ട് ഈ ചിത്രത്തിലെന്ന് ട്രെയിലറിലൂടെ സൂചന കിട്ടുന്നുണ്ട്.
അജു വര്‍ഗീസ്, ഇന്ദ്രന്‍സ്, മകരന്ദ് ദേശ്പാണ്ഡേ, ശരണ്യ ശര്‍മ്മ, ആനന്ദ് മന്മഥന്‍ തുടങ്ങിയവരാണ് ചിത്രത്തിലെ മറ്റ് താരങ്ങൾ. ഡി 14 എന്‍റര്‍ടെയ്ന്‍‍മെന്‍റ്സിന്‍റെ ബാനറില്‍ മഹ്ഫൂസ് എം ഡിയും നൗഷാദ് ടിയും ചേര്‍ന്നാണ് ചിത്രം നിർമ്മിക്കുന്നത്. നവീന്‍ പി തോമസാണ് എക്സിക്യൂട്ടീവ് പ്രൊഡ്യൂസര്‍. സംവിധായകൻ അരുണ്‍ ചന്ദുവും സച്ചിന്‍ ആര്‍ ചന്ദ്രനും ചേര്‍ന്നാണ് ചിത്രത്തിന്റെ രചന നിര്‍വ്വഹിച്ചിരിക്കുന്നത്. 2019ൽ സായാഹ്ന വാർത്തകളുടെ നിർമ്മാണം പൂർത്തിയായിരുന്നു. എന്നാൽ കോവിഡ് മൂലം റിലീസ് നീണ്ട് പോകുകയായിരുന്നു.
Also Read: CBI 5 in Netflix: അയ്യരുടെ ഇൻവെസ്റ്റിഗേഷൻ ഇനി നെറ്റ്ഫ്ലിക്സിൽ കാണാം; സിബിഐ 5 സ്ട്രീമിംഗ് തുടങ്ങി
പ്രശാന്ത് പിള്ള, ശങ്കർ ശർമ്മ എന്നിവരാണ് സംഗീതം ഒരുക്കുന്നത്. പശ്ചാത്തല സംഗീതം ഒരുക്കുന്നത് ശങ്കർ ശർമ്മയാണ്. ശരത്ത് ഷാജി ഛായാഗ്രഹണം നിർവഹിക്കുന്നു. എഡിറ്റിംഗ് അരവിന്ദ് മന്മഥന്‍, അഡീഷണല്‍ എഡിറ്റര്‍ ഹിഷാം യൂസഫ് പി വി, ചീഫ് അസോസിയേറ്റ് ഡയറക്ടര്‍ ധിനില്‍ ബാബു, സൌണ്ട് ഡിസൈന്‍, പ്രൊഡക്ഷന്‍ ഡിസൈനര്‍ ഷിജി പട്ടണം, ഓഡിയോഗ്രഫി ആഷിഷ് ഇല്ലിക്കല്‍, വസ്ത്രാലങ്കാരം ജാക്കി, സംഘട്ടനം മാഫിയ ശശി, ട്രെയ്ലര്‍ കട്ട്സ് സീജേ അച്ചു, സ്റ്റില്‍സ് പ്രിന്‍സ് പി എം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...