Pathirathri Movie: `പുഴു`വിന് ശേഷം രതീനയുടെ `പാതിരാത്രി`; സൗബിൻ ഷാഹിറും നവ്യ നായരും കേന്ദ്ര കഥാപാത്രങ്ങൾ

മമ്മൂട്ടി ചിത്രം പുഴുവിന് ശേഷം രതീന പിടി സംവിധാനം ചെയ്യുന്ന 'പാതിരാത്രി' ചിത്രീകരണം പൂർത്തിയാക്കി. സൗബിൻ ഷാഹിർ, നവ്യ നായർ എന്നിവർ കേന്ദ്ര കഥാപാത്രങ്ങളായെത്തുന്ന ചിത്രം രണ്ട് പോലീസുകാരുടെ ജീവിതമാണ് പറയുന്നത്.

ഭ്രമയുഗത്തിന് ശേഷം ഷഹനാദ് ജലാൽ ഛായാ​ഗ്രഹണം നിർവഹിക്കുന്ന ചിത്രമെന്ന പ്രത്യേകതയും ഈ ചിത്രത്തിനുണ്ട്. 'ഇലവീഴാപൂഞ്ചിറ'ക്ക് ശേഷം ഷാജി മാറാട് രചന നിർവഹിക്കുന്ന ചിത്രമാണ് 'പാതിരാത്രി'. ബെൻസി പ്രൊഡക്ഷൻസിന്റെ ബാനറിൽ കെവി അബ്ദുൾ നാസറാണ് ചിത്രം നിർമിക്കുന്നത്.

ആൻ അഗസ്റ്റിൻ, ആത്മീയ, സണ്ണി വെയ്ൻ, ശബരീഷ് വർമ്മ, ഹരിശ്രീ അശോകൻ, ഇന്ദ്രൻസ്, സോഹൻ സീനുലാൽ എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. പ്രമുഖ കന്നഡ നടൻ  അച്യുത് കുമാർ ആദ്യമായി മലയാളത്തിൽ എത്തുന്നുവെന്ന പ്രത്യേകതയും ചിത്രത്തിനുണ്ട്.

എഡിറ്റർ- ശ്രീജിത്ത് സാരംഗ്. മ്യൂസിക്ക്- ജേക്സ് ബിജോയ്. ആർട്ട് ഡയറക്ടർ- ദിലീപ് നാഥ്. പ്രൊഡക്ഷൻ കൺട്രോളർ- പ്രശാന്ത് നാരായണൻ. മേക്കപ്പ്- ഷാജി പുൽപ്പള്ളി. കോസ്റ്റ്യൂം- ലിജി പ്രേമൻ. സ്റ്റിൽസ്- നവീൻ മുരളി. ചീഫ് അസോസിയേറ്റ് ഡയറക്ടർ- അജിത് വേലായുധൻ.