രഞ്ജിനിയ്ക്ക് ഇത് വ്യത്യസ്തമായ പിറന്നാൾ; അഭിനന്ദനവുമായി സണ്ണി വെയ്ൻ

നടൻ സണ്ണി വെയ്നിന്റെ ഭാര്യയും നർത്തകിയുമായ രഞ്ജിനി തന്റെ ജന്മദിനമായ ഇന്ന് ഒന്നു വ്യത്യസ്തമായാണ് ആഘോഷിച്ചത്.  കോറോണ മഹാമാരി പടർന്നു പിടിക്കുന്ന ഈ സാഹചര്യത്തിൽ കേക്ക് മുറിച്ച് ആഘോഷിക്കലും പാർട്ടിയുമൊന്നും ഇക്കുറി ഇല്ല പകരം വ്യത്യസ്തമായ കാര്യമാണ് രഞ്ജിനി ചെയ്തത്. 

അതെന്താണെന്നോ.. തന്റെ പിറന്നാൾ ദിനത്തിൽ റോഡിലിറങ്ങി പാവപ്പെട്ടവർക്ക് ഭക്ഷണം, സാനിറ്റൈസർ മുതലായവ വാങ്ങി നൽകുകയായിരുന്നു.  തന്നോടൊപ്പം ജീവകാരുണ്യ പ്രവർത്തനങ്ങളിൽ കൂടുന്ന തന്റെ പ്രിയതമയ്ക്ക് പിറന്നാൾ ആശംസകൾ  നേർന്നുകൊണ്ട് സണ്ണിയാണ് ഈ ചിത്രങ്ങൾ പങ്കുവെച്ചത്.  

നിരവധി ആരാധകരാണ് രഞ്ജിനിയുടെ ഈ പ്രവൃത്തിയിൽ അഭിനന്ദനവുമായി രംഗത്തെത്തിയത്.