Crazxy: ബോക്സ് ഓഫീസ് തക‍‍ർക്കാൻ തുമ്പാട് ടീം വീണ്ടും; മോഷൻ പോസ്റ്റർ പുറത്തിറക്കി അണിയറപ്രവർത്തകർ

സോഹം ഷാനെ നായകനാക്കി രാഹി അനിൽ ബാർവെ ഒരുക്കിയ ബോളിവുഡ് ഫാന്റസി ചിത്രമായിരുന്നു തുമ്പാട്. 2018ൽ പുറത്തിറങ്ങിയ ചിത്രം ബോക്സ്ഓഫീസിൽ വൻ വിജയമായിരുന്നു. ചിത്രത്തിന്റെ 6ാം വാർഷികത്തിൽ അടുത്ത ചിത്രത്തിന്റെ പ്രഖ്യാപനം നടത്തിയിരിക്കുകയാണ് തുമ്പാട് ടീം. 

ശനിയാഴ്ച തുമ്പാടിൻെ നിർമാതാവ് കൂടിയായ സോഹം ഷാ പുതിയ ചിത്രത്തിന്റെ മോഷൻ പോസ്റ്റർ പുറത്ത് വിട്ടു. Crazxy എന്നാണ് ചിത്രത്തിന്റെ പേര്. ഒരു മനുഷ്യരൂപത്തിൽ തിരക്കേറിയ ന​ഗരത്തിന്റെ ചിത്രമാണ് മോഷൻ പോസ്റ്ററിൽ കാണിക്കുന്നത്. ചക്രവ്യൂഹത്തിൽ കുടുങ്ങിയ അഭിമന്യു എന്ന പാട്ടും മോഷൻ പോസ്റ്ററിന്റെ  അകമ്പടിയായി ഉണ്ട്. ​ഗിരിഷ് കോലി രചനയും സംവിധാനവും നിർവഹിക്കുന്ന ചിത്രത്തിൽ വിശാൽ ഭരദ്വാജാണ് സം​ഗീതം ഒരുക്കുന്നത്.

തുമ്പാട് റിലീസ് ചെയ്തിട്ട് ആറു വർഷം കഴിയുന്നു.  അതിന്റെ റിറിലീസ് വൻ വിജയമാക്കിയ നിങ്ങൾക്ക് മുമ്പിൽ പുതിയ ചിത്രത്തിന്റെ പ്രഖ്യാപനം നടത്തുന്നുവെന്നാണ് മോഷൻ പോസ്റ്റർ പുറത്തിറക്കി സോഹം ഷാ പറയുന്നത്. 

കഴിഞ്ഞ വർഷം സെപ്റ്റംബർ 13ന് തുമ്പാട് റി റിലീസ് ചെയ്ത തുമ്പാട് വലിയ വിജയമാണ് നേടിയത്. റി റിലീസ് ചെയ്ത തുമ്പാടിന്റെ അവസാനം തുമ്പാട് 2 പ്രഖ്യാപിച്ചിരുന്നു. എന്നാൽ തുമ്പാട് 2 സംവിധാനം ചെയ്യാൻ താൻ ഉണ്ടാകില്ലെന്ന് സംവിധായകൻ രാഹി അനിൽ ബാർവെ നേരത്തെ സോഷ്യൽ മീഡിയയിലൂടെ അറിയിച്ചിരുന്നു. 

പ്രമേയം കൊണ്ടും മേക്കിം​ഗ് കൊണ്ടും ശ്രദ്ധിക്കപ്പെട്ട ചിത്രത്തിന്റെ 2018ലെ ക്ലോസിം​ഗ് കളക്ഷൻ 15.46 കോടിയായിരുന്നു. എന്നാൽ റിറിലീസിൽ വൻ ബോക്സ് ഓഫീസ് വേട്ടയാണ് തുമ്പാട് നടത്തിയത്.  വെറും ഏഴ് ദിവസത്തിൽ 2018ലെ കളക്ഷൻ ചിത്രം നേടി. കണക്ക് പ്രകാരം 30.44 കോടി രൂപയാണ് റിറിലീസ് കളക്ഷൻ.