Ulasam Movie Teaser : `മച്ചാനെ നമ്മൾ ഇതുപോലെ എത്ര ഹിമാലയം കണ്ടിരിക്കുന്നു`; ഷെയിൻ നിഗത്തിന്റെ `തള്ളു`മായി ഉല്ലാസത്തിന്റെ ടീസറെത്തി
Ullasam Movie : നവാഗതനായ ജീവൻ ജോജോയാണ് ചിത്രം സംവിധാനം ചെയ്യുന്നത്. ജോ കൈതമറ്റം, ക്രിസ്റ്റി കൈതമറ്റം എന്നിവർ ചേർന്നാണ് ചിത്രം നിർമ്മിക്കുന്നത്.
കൊച്ചി : ഷെയിൻ നിഗം കേന്ദ്ര കഥാപാത്രമായി എത്തുന്ന ചിത്രം ഉല്ലാസത്തിന്റെ ടീസർ പുറത്ത് വിട്ടു. ഷെയിൻ നിഗം ജാക്കറ്റ് ഇല്ലാതെ ഹിമാലയത്തിൽ പോയതും, പ്രണവ് മോഹൻലാലിനെ കണ്ടതുമൊക്കെയാണ് ചിത്രത്തിൻറെ ടീസറിൽ പറയുന്നത്. നവാഗതനായ ജീവൻ ജോജോയാണ് ചിത്രം സംവിധാനം ചെയ്യുന്നത്. പറയുന്നത് ബഡായി ആണെങ്കിലും, ആ ഭാവമൊന്നുമില്ലാതെയാണ് ഷെയിൻ കഥ പറയുന്നത്. ചിത്രം ഒരു നവ്യാനുഭവം തന്നെയായിരിക്കുമെന്ന് ടീസർ സൂചിപ്പിക്കുന്നത്.
ചിത്രത്തിൻറെ ഛായാഗ്രഹണം നിർവഹിച്ചിരിക്കുന്നത് സ്വരൂപ് ഫിലിപ്പ് ആണ്. അരവിന്ദന്റെ അതിഥികൾ എന്ന ചിത്രത്തിലൂടെ തന്റേതായ സ്ഥാനം ഉണ്ടാക്കിയെടുത്ത ഛായാഗ്രാഹകനാണ് സ്വരൂപ് ഫിലിപ്പ്. ചിത്രത്തിൽ സംഗീതത്തിനും നൃത്തത്തിനും ഏറെ പ്രധാന്യം നൽകിയിട്ടുണ്ടെന്നാണ് റിപ്പോർട്ടുകൾ സൂചിപ്പിക്കുന്നത്. ചിത്രത്തിലെ ഗാനങ്ങൾക്ക് വരികൾ ഒരുക്കിയിരിക്കുന്നത് ബി കെ ഹരിനാരായണനാണ്.
ചിത്രത്തിൽ സംഗീത സംവിധാനം നിർവഹിച്ചിരിക്കുന്നത് ഷാൻ റഹ്‍മാനാണ്. ഗാനരംഗങ്ങൾക്ക് നൃത്തചുവടുകൾ ഒരുക്കിയിരിക്കുന്നത് പ്രശസ്‌ത നൃത്ത സംവിധായികയായ ബാബ ഭാസ്കറാണ്. കാല, മാരി, പേട്ട, സിംഗം തുടങ്ങിയ ചിത്രങ്ങൾക്ക് നൃത്തചുവടുകൾ ഒരുക്കിയ ബാബ ഭാസ്കറിന്റെ ആദ്യ മലയാള ചിത്രമെന്ന പ്രത്യേകതയും ഉല്ലാസത്തിനുണ്ട്. ഷെയിൻ നിഗം, പവിത്ര എന്നിവരെ കൂടാതെ അജു വർഗീസ്, ദീപക് പറമ്പോൽ, ബേസിൽ ജോസഫ്, ലിയോണ ലിഷോയ്, അപ്പുക്കുട്ടി, ജോജി, അംബിക, നയന എൽസ തുടങ്ങിയവരും പ്രധാന കഥാപാത്രങ്ങളായി എത്തുന്നുണ്ട്
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...