നയൻതാര-വിഘ്നേഷ് ശിവൻ വിവാഹം; ബിയോണ്ട് ദ ഫെയറി ടെയിൽ പ്രമോ പുറത്ത് വിട്ട് നെറ്റ്ഫ്ലിക്സ്
അതേസമയം ഡോക്യുമെൻറി എന്ന് പുറത്ത് വിടും എന്ന് നെറ്റ്ഫ്ലിക്സ് വ്യക്തമാക്കിയിട്ടില്ല. ജൂൺ 9-നാണ് നയൻതാരയും വിഘ്നേഷ് ശിവനും വിവാഹിതരായത്
അങ്ങനെ പ്രേക്ഷകർ കാത്തിരുന്ന നയൻതാര വിഘ്നേഷ് ശിവൻ വിവാഹ വീഡിയോ പ്രമോ നെറ്റ്ഫ്ലിക്സ് പുറത്ത് വിട്ടു. നെറ്റ് ഫ്ലിക്സ് സൗത്തിന്റെ
ട്വിറ്റർ പേജിലൂടെയാണ് പ്രമോ പുറത്ത് വിട്ടത്. ബിയോണ്ട് ദ ഫെയറി ടെയിൽ എന്ന് പേരിട്ടിരിക്കുന്ന വിവാഹ ഡോക്യുമെൻററി സംവിധാനം ചെയ്യുന്നത് ഗൗതം മേനോനാണ്‌. 21 സെക്കൻറ് സമയമാണ് പ്രമോയ്ക്കുള്ളത്.
അതേസമയം ഡോക്യുമെൻറി എന്ന് പുറത്ത് വിടും എന്ന് നെറ്റ്ഫ്ലിക്സ് വ്യക്തമാക്കിയിട്ടില്ല. ജൂൺ 9-നാണ് നയൻതാരയും വിഘ്നേഷ് ശിവനും വിവാഹിതരായത്. മഹാബലിപുരത്തെ ഷെറാട്ടൺ പാർക്കിൽ സുഹൃത്തുക്കളുടെയും കുടുംബാംഗങ്ങളുടെയും സാന്നിധ്യത്തിലായിരുന്നു വിവാഹം.
ഷാരൂഖ് ഖാൻ, രജനീകാന്ത് , എആർ റഹ്മാൻ, സൂര്യ, കാർത്തി, വിജയ് സേതുപതി ഗൗതം വാസുദേവ് മേനോൻ, ആറ്റ്‌ലി തുടങ്ങി ഇന്ത്യൻ സിനിമയിലെ മുൻനിര താരങ്ങൾ വിവാഹ ചടങ്ങിൽ പങ്കെടുത്ത ചില ഉന്നത അതിഥികളിൽ ഉൾപ്പെടുന്നു. വിവാഹത്തിന് ശേഷം പുറത്ത് വിട്ട ചിത്രങ്ങളും വളരെ വേഗത്തിൽ വൈറലായിരുന്നു. പരമ്പരാഗത ചടങ്ങുകൾ ഉൾപ്പെടുത്തിയുള്ളതായിരുന്നു വിവാഹം.
2015ലെ ഡാർക്ക് കോമഡി നാനും റൗഡി താൻ സെറ്റിൽ വച്ചാണ് ഇരുവരും ആദ്യമായി കണ്ടുമുട്ടിയത്. നയൻതാരയും വിജയ് സേതുപതിയും പ്രധാന കഥാപാത്രങ്ങളെ അവതരിപ്പിച്ച ചിത്രം സംവിധാനം ചെയ്തത് വിഘ്നേഷ് ആയിരുന്നു. ചിത്രീകരണത്തിനിടെ വിഘ്‌നേഷും നയൻതാരയും പ്രണയത്തിലാവുകയും അന്നുമുതൽ ഒരുമിച്ചായിരുന്നു ഇരുവരും.
അതേസമയം വിവാഹം സ്ട്രീം ചെയ്യുന്നതിൽ നിന്നും നെറ്റ്ഫ്ലിക്സ് പിൻമാറി എന്ന് നേരത്തെ വാർത്തകൾ വന്നിരുന്നു. എന്നാൽ കമ്പനി തന്നെ പിന്നീട് ഇത് നിഷേധിച്ച് രംഗത്തെത്തി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...