Urfi Javed : `ഇവളെ കല്ല് എടുത്തെറിയണം` ആ കല്ലുകൾ കൊണ്ട് കോസ്റ്റ്യൂം തീർത്ത് മറുപടി നൽകി ഉർഫി ജാവേദ്

മുംബൈ : ബോളിവുഡിലെ സോഷ്യൽ മീഡിയ തരംഗമാണ് ഉർഫി ജാവേദ്. സിനിമയിൽ എന്നതിലുപരി താരം ദിനംപ്രതി അവതരിപ്പിക്കുന്ന കോസ്റ്റ്യൂമുകളിലൂടെയും വേഷവിതാനങ്ങളിലൂടെയുമാണ് സോഷ്യൽ മീഡിയ തംരഗമായി മാറിയത്. നിരവധി ആരാധകരുള്ള താരത്തിന് അതേപോലെ തന്നെ വിമർശകരുമുണ്ട്. ചിലപ്പോൾ ട്രോളുകൾക്ക് പാത്രമകുമെങ്കിലും നടി പല പ്രവാശ്യം സൈബർ ആക്രമണത്തിനും മറ്റ് ഇരയായി മാറാറുണ്ട്. അതിനെല്ലാം തന്റേതായ രീതിയിൽ ശക്തമായ മറുപടി നൽകാറുണ്ട് ഉർഫി. 

ഇപ്പോൾ താരം തനിക്കെതിരെ ഒരാൾ കമന്റിന് മറുപടിയുമായിട്ടാണ് രംഗത്തെത്തിയിരിക്കുന്നത്. കമന്റിന് മറപുടി നൽകിയിരിക്കുന്നത് തന്റെ വസ്ത്രധാരണത്തിലൂടെ തന്നെയാണ്. ' ഇവളെ കല്ലെറിയണം' എന്നൊരാൾ ഉർഫിയുടെ പോസ്റ്റിന് താഴെ കമന്റ് രേഖപ്പെടുത്തിയിരുന്നു. ഇതിന് മറുപടിയായിട്ട് കല്ല് കൊണ്ടുള്ള കോസ്റ്റ്യൂ തീർത്തിരിക്കുകയാണ് സോഷ്യൽ മീഡിയ താരം. 

"അതെ ഇത് ചെയ്യാൻ ആ കമന്റ് എനിക്ക് പ്രചേദനം നൽകി. എന്നെ കുറ്റപ്പെടുത്തേണ്ട, ആ കമ്റിനെ പറഞ്ഞോളു" വീഡിയോ പങ്കുവച്ചുകൊണ്ടുള്ള പോസ്റ്റിൽ ഉർഫി കുറിച്ചു.  പിങ്ക് നിറത്തിലുള്ള ടീ ഷർട്ടും കറുത്ത ഷോർട്സമിട്ട് നിൽക്കുന്ന ഉർഫിയുടെ ദേഹത്തേക്ക് ചില കല്ലുകൾ വന്ന് പതിക്കുന്നു. ശേഷം അവ പിടിച്ചെടുത്ത് താരം കല്ലുകൾ കൊണ്ട് ഉണ്ടാക്കിയ കോസ്റ്റ്യൂമിൽ എത്തുന്ന വീഡിയോയാണ് ഉർഫി പങ്കുവച്ചത്. വീഡിയോ കാണാം: 

നിരവധി പേർ ഉർഫിക്ക് പിന്തുണ അറിയിച്ചുകൊണ്ട് വീഡിയോയ്ക്ക് താഴെ കമന്റായി രേഖപ്പെടുത്തിട്ടുണ്ട്. സ്വന്തം ഫോട്ടോകൾ, ചാക്കുകൾ, ഇലക്ട്രിക് വയറുകൾ, കാർഡ് ബോർഡുകൾ തുടങ്ങിയവ ഉപയോഗിച്ചുകൊണ്ട് ഉർഫി നിരവധി കോസ്റ്റ്യുമുകൾ നിർമിച്ചിട്ടുണ്ട്. അത് വൈറലാകുകയും അതോടൊപ്പം ട്രോളിൽ ഉൾപ്പെടുകയും ചെയ്തിട്ടുണ്ട്.