Baharain News: ബഹ്റൈനിൽ ഉച്ചവിശ്രമ നിയമം ഇന്ന് മുതൽ പ്രാബല്യത്തിൽ

മനാമ: ബഹ്റൈനില്‍ ഉച്ചവിശ്രമ നിയമം ഇന്ന് മുതല്‍ അതായത് ജൂലൈ ഒന്ന് മുതൽ പ്രാബല്യത്തിൽ വരും. ചൂട് കൂടുന്ന സാഹചര്യത്തില്‍ തൊഴിലാളികളുടെ സുരക്ഷ ഉറപ്പാക്കാനാണ് ഈ നടപടി.  

ഉച്ച മുതല്‍ വൈകുന്നേരം നാലു മണി വരെയാണ് പുറംജോലികള്‍ക്ക് വിലക്ക് ഏര്‍പ്പെടുത്തിയിരിക്കുന്നത്. സൂ​ര്യപ്രകാശം നേ​രിട്ട് പതിക്കുന്ന രീതിയില്‍ പുറംജോ​ലികള്‍ ചെ​യ്യു​ന്ന​വ​ര്‍ ര​ണ്ടു മാ​സ​ക്കാ​ലം ഉ​ച്ച​ക്ക് 12 മു​ത​ല്‍ നാ​ലു മ​ണി​വ​രെ ജോ​ലി​യി​ല്‍ നി​ന്ന് വി​ട്ടു​നി​ല്‍ക്ക​ണമെന്നാണ് നിർദ്ദേശം. ഈ നിയന്ത്രണം ആഗസ്റ്റ് 31 വ​രെ​യാ​ണ് ഉള്ളത്. 

ചൂ​ട് ഉയരുന്ന ജൂ​ലൈ, ആഗസ്റ്റ് മാ​സ​ങ്ങ​ളി​ല്‍ പു​റ​ത്ത് സൈ​റ്റു​ക​ളി​ല്‍ ഉ​ച്ച​ക്ക് 12 മു​ത​ല്‍ നാ​ലു​മ​ണി​വ​രെ തൊ​ഴി​ലാ​ളി​ക​ളെ​ക്കൊ​ണ്ട് ജോ​ലി ചെ​യ്യി​ക്കാ​ന്‍ പാ​ടി​ല്ലെ​ന്ന് മ​ന്ത്രാ​ലയം ഉ​ത്ത​ര​വിറക്കിയിട്ടുണ്ട്   ഇത് പരിശോധിക്കാനായി കൂ​ടു​ത​ല്‍ ഉദ്യോഗസ്ഥരെ മ​ന്ത്രാ​ല​യം നി​യ​മി​ക്കും.  ഉച്ചവിശ്രമ നിയമം ലംഘിച്ചാല്‍ 2012 ലെ നിയമം 36 ലെ ആർട്ടിക്കിൾ അനുശാസിക്കുന്ന പ്രകാരം മൂന്ന് മാസം വരെ തടവും പിഴയും ഉൾപ്പെടെയുള്ള ശിക്ഷ ചുമത്താനുള്ള നിയമവും ആർട്ടിക്കിളിലുണ്ട്.