School Holiday: അറബ് ഉച്ചകോടിയുടെ പശ്ചാത്തലത്തിൽ ബഹ്‌റൈനിൽ രണ്ടു ദിവസം സ്‌കൂളുകൾക്ക് അവധി!

മ​നാ​മ: മുപ്പത്തിമൂന്നാമ​ത്​ അ​റ​ബ്​ ഉ​ച്ച​കോ​ടിയുടെ പ​ശ്ചാ​ത്ത​ല​ത്തി​ൽ ഏർപ്പെടുത്തുന്ന ട്രാ​ഫി​ക്​ നി​യ​ന്ത്ര​ണ​ങ്ങ​ളുടെ അടിസ്ഥാനത്തിൽ ബഹ്റൈനിലെ സ​ർ​ക്കാ​ർ സ്​​കൂ​ളു​ക​ൾ​ക്ക്​ രണ്ടു ദിവസം അ​വ​ധി പ്ര​ഖ്യാ​പി​ച്ചിട്ടുണ്ട്.  വാ​ർ​ഷി​ക പ​രീ​ക്ഷ അ​ടു​ത്തി​രി​ക്കു​ന്ന​തി​നാ​ൽ അ​വ​ധി സ്റ്റ​ഡി ലീ​വാ​യി പ​രി​ഗ​ണി​ക്കാ​നുമാണ് നി​ർ​ദേ​ശം. 

അവധി പ്രഖ്യാപിച്ചിരിക്കുന്നത് മെയ് 15, 16 തീയതികളിലാണ് അതായത് നാളെയും മറ്റന്നാളും.  പബ്ലിക് സ്കൂളുകളിൽ ഈ തീയതികളിൽ നടത്താനിരുന്ന ഫൈനൽ പരീക്ഷകൾ പുഃനക്രമീകരിക്കുമെന്നും പുതുക്കിയ ഷെഡ്യൂൾ മന്ത്രാലയം പുറത്തിറക്കുമെന്നും റിപ്പോർട്ടുണ്ട്.  സ്വ​കാ​ര്യ സ്​​കൂ​ളു​ക​ൾക്കും ഈ ​ദിവസങ്ങളിൽ ആ​വ​ശ്യ​മാ​യ ക്ര​മീ​ക​ര​ണ​ങ്ങ​ൾ ന​ട​ത്താ​ൻ നി​ർ​ദേ​ശം നൽകിയിട്ടുണ്ട്.​ ഈ ദി​വ​സ​ങ്ങ​ളി​ൽ അ​വ​ധി കൊ​ടു​ക്കാ​നും പ​ക​രം മ​റ്റ്​ ദി​വ​സ​ങ്ങ​ളി​ൽ പ​ഠ​നം ന​ട​ത്താ​നു​ള്ള സാ​ധ്യ​ത​ക​ൾ പരിശോധിക്കാനും നി​ർ​ദേ​ശം നൽകിയിട്ടുണ്ട്. ഉ​ന്ന​ത വി​ദ്യാ​ഭ്യാ​സ സ്​​ഥാ​പ​ന​ങ്ങ​ൾ​ക്കും അ​വ​ധി ന​ൽ​കാ​നാ​ണ്​ മ​ന്ത്രാ​ല​യത്തിന്റെ തീരുമാനം.  

എങ്കിലും അ​ന്താ​രാ​ഷ്​​ട്ര ത​ല​ത്തി​ൽ ന​ട​ക്കു​ന്ന പ​രീ​ക്ഷ​ക​ളു​ണ്ടെ​ങ്കി​ൽ അ​തി​ന്​ മു​ട​ക്കം വ​രാ​തി​രി​ക്കാ​ൻ ​ശ്ര​ദ്ധി​ക്ക​ണ​മെ​ന്നും​ നി​ർ​ദേ​ശമുണ്ട്.  അതുപോലെ കി​ന്‍റ​ർ​ഗാ​ർ​ട്ട​നു​ക​ൾ​ക്കും ര​ണ്ട്​ ദി​വ​സം അ​വ​ധിയുണ്ട്.  ബ​ഹ്​​റൈ​ൻ യൂ​ണി​വേ​ഴ്​​സി​റ്റി​ക്കും​ രണ്ടുദി​വ​സം അ​വ​ധിയാണ്.