Pistachios: പിസ്ത കഴിക്കുന്നത് ശീലമാക്കൂ..അറിയാം ആരോഗ്യ ഗുണങ്ങൾ
കണ്ണിന്റെ ആരോഗ്യം നിലനിര്‍ത്താൻ പിസ്ത നല്ലൊരു പ്രതിവിധിയാണ്‌. ഇവയിലുള്ള ലുട്ടീന്‍, സിയാക്‌സാന്തിന്‍ തുടങ്ങിയവ കാഴ്‌ച പ്രശ്‌നങ്ങള്‍ പരിഹരിക്കാൻ സഹായിക്കുന്നു.
ദഹനം മെച്ചപ്പെടുത്താനും തടി കുറയ്ക്കാന്‍ പിസ്ത ഏറെ നല്ലതാണ്. ഇതിലെ ഡയെറ്ററി ഫൈബര്‍ ഏറെ ഗുണം ചെയ്യുന്നു.
പിസ്ത തലച്ചോറിന്റെ ആരോഗ്യത്തിന് ഏറെ നല്ലതാണ്. രക്തത്തില്‍ ഒക്‌സിജന്‍ ഉണ്ടാവാന്‍ സഹായിക്കുന്ന വിറ്റാമിന്‍ ബി6ന്റെ ശക്തമായ ഉറവിടമാണ് പിസ്ത.
യുവത്വം നിലനിര്‍ത്താന്‍ പിസ്‌തയിലടങ്ങിയിരിക്കുന്ന വിറ്റാമിന്‍ ഇ സഹായിക്കും. ഇതിലടങ്ങിയിരിക്കുന്ന എണ്ണ ചര്‍മ്മം വരളാതെ ഈര്‍പ്പത്തോടെ ഇരിക്കാന്‍ സഹായിക്കുന്നു.
ഗർഭകാലത്ത് പിസ്ത കഴിക്കുന്നത് നല്ലതാണ്. പ്രോട്ടീന്റെ കലവറയാണ് പിസ്ത. ഗർഭിണികൾ നാലോ അഞ്ചോ പിസ്ത കഴിക്കുന്നത് ക്ഷീണം അകറ്റാൻ സഹായിക്കും.
രക്തത്തിലെ പഞ്ചസാരയുടെ അളവ് നിയന്ത്രിക്കാൻ പിസ്ത നല്ലതാണ്. അതിനാൽ പ്രമേഹമുള്ളവർ ദിവസവും രണ്ടോ മൂന്നോ പിസ്ത കഴിക്കാൻ ശ്രമിക്കുക. (Disclaimer: ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.)