Guruvayur Updates: ഇതാണ് ആ 32 പവൻറെ സ്വർണ്ണ കിരീടം, സമർപ്പിച്ചത് സ്റ്റാലിൻറെ ഭാര്യ- ചിത്രങ്ങളിൽ

തമിഴ്നാട് മുഖ്യമന്ത്രി എംകെ സ്റ്റാലിൻറെ ഭാര്യ ദുർഗ്ഗാ സ്റ്റാലിൻ ആണ് ഗുരുവായൂരപ്പന് 32 പവൻ തൂക്കമുള്ള സ്വർണ്ണ കിരീടം സമർപ്പിച്ചത്

സഹോദരി ജയന്തിയും ഇവർക്കൊപ്പം ക്ഷേത്രത്തിൽ എത്തിയിരുന്നു

ഉച്ച പൂജയ്ക്ക് മുന്നേ ക്ഷേത്രത്തിലെത്തിയ അവർ നാക്കിലയിൽ സ്വർണ്ണ കിരീടം ശ്രീ ഗുരുവായൂരപ്പന് സമർപ്പിച്ചു. ഒപ്പം കദളിക്കുലയും നെയ്യും. കാണിക്കയർപ്പിച്ചു

ഉച്ചപൂജക്കായി നടയടച്ചതോടെ കളഭക്കൂട്ട് തയ്യാറാക്കുന്ന ഇടത്തെത്തി. ചന്ദനം അരക്കാനുള്ള ഉപകരണം സമർപ്പിച്ചു

താൻ സമർപ്പിച്ചപൊന്നിൻ കിരീടമണിഞ്ഞ ശ്രീ ഗുരുവായൂരപ്പനെ കണ്ട് വണങ്ങി. ആനന്ദചിത്തയായി. ദർശന സായൂജ്യം നേടിയ സംതൃപ്തിയിലാണ് അവർ ക്ഷേത്രത്തിൽ നിന്ന് മടങ്ങിയത്. ദു

ദുർഗ്ഗാ സ്റ്റാലിനും സംഘത്തിനും കളഭവും തിരുമുടി മാലയും പഴം പഞ്ചസാരയും നെയ്യ് പായസവുമടങ്ങുന്ന ഭഗവാൻ്റെ പ്രസാദം ദേവസ്വം ചെയർമാൻ ഡോ.വി.കെ.വിജയൻ നൽകി