Tremors: നിങ്ങള്‍ക്ക് കൈ വിറയലുണ്ടോ? എങ്കില്‍ ഈ കാരണങ്ങളെ കുറിച്ച് അറിഞ്ഞിരിക്കണം
ഷുഗര്‍ : രക്തത്തിലെ പഞ്ചസാരയുടെ അളവ് കുറയുന്നത് കൈ വിറയലിന് കാരണമാകാറുണ്ട്. ഇന്‍സുലിനോ മറ്റ് മരുന്നുകളോ എടുക്കുന്നവരിലാണ് ഇത് കൂടുതലായും കണ്ടുവരുന്നത്.
ഹൈപ്പര്‍തൈറോയിഡിസം : തൈറോയ്ഡ് ഗ്രന്ഥി തൈറോയ്ഡ് ഹോര്‍മോണ്‍ കൂടുതലായി ഉത്പ്പാദിപ്പിക്കുമ്പോഴാണ് ഹൈപ്പര്‍തൈറോയിഡിസം ഉണ്ടാകുന്നത്. ഇത് കൈ വിറയലിന് കാരണമാകാറുണ്ട്.
ഉത്കണ്ഠ : മാനസികമായ പ്രശ്‌നങ്ങളും കൈ വിറയലിന് കാരണമാകാറുണ്ട്. ഉത്കണ്ഠ ഉള്ളവരില്‍ ബിപി കൂടാനും ശരീരത്തില്‍ അഡ്രിനാലിന്റെ അളവ് കൂടാനും സാധ്യതയുണ്ട്. ഇത് കൈ വിറയല്‍ അനുഭവപ്പെടാന്‍ കാരണമാകും.
പാര്‍ക്കിന്‍സണ്‍സ് : പ്രായം കൂടുതലുള്ളവരിലാണ് സാധാരണയായി പാര്‍ക്കിന്‍സണ്‍സ് കണ്ടുവരുന്നത്. നാഡീ വ്യവസ്ഥയെ ബാധിക്കുന്ന രോഗം ചലനത്തെ ബാധിക്കും. കൈകളില്‍ നിന്ന് തുടങ്ങുന്ന വിറയല്‍ പിന്നീട് ശരീരത്തിലെ വിവിധ ഭാഗങ്ങളിലേയ്ക്ക് വ്യാപിക്കുകയാണ് ചെയ്യുന്നത്.
മള്‍ട്ടിപ്പിള്‍ സെലേറോസിസ് : നാഡീ വ്യവസ്ഥയെ ബാധിക്കുന്ന മറ്റൊരു രോഗമാണ് മള്‍ട്ടിപ്പിള്‍ സെലെറോസിസ്. കൈ വിറയലാണ് ഇതിന്റെ പ്രധാന രോഗലക്ഷണം.