Diabetes: പ്രമേഹരോ​ഗികൾക്ക് വേനൽക്കാലത്ത് ഈ പാനീയങ്ങൾ മികച്ചത്

പ്രമേഹമുള്ളവർക്ക് തക്കാളി ജ്യൂസ് ഒരു മികച്ച തിരഞ്ഞെടുപ്പാണ്. തക്കാളി ജ്യൂസ് കുടിക്കുന്നത് ഹൃദയാരോഗ്യത്തിനും പ്രമേഹത്തെ പ്രതിരോധിക്കാനും സഹായിക്കും.

ചീര, വെള്ളരിക്ക, ​ഗ്രീൻ ആപ്പിൾ, ഇഞ്ചി, നാരങ്ങ നീര് എന്നിവ ചേർത്ത് ​ഗ്രീൻ ജ്യൂസ് തയ്യാറാക്കി കഴിക്കുന്നത് ആരോ​ഗ്യത്തിന് ​ഗുണം ചെയ്യും. ധാതുക്കൾ, വിറ്റാമിനുകൾ, ആൻ്റിഓക്‌സിഡൻ്റുകൾ എന്നിവയാൽ സമ്പന്നമാണിത്.

ബ്ലൂബെറിയും തുളസിയിലയും നാരങ്ങനീരും വെള്ളവും ചേർത്ത് കഴിക്കുന്നത് ഉന്മേഷദായകമാണ്. നാരുകൾ ധാരാളമായി അടങ്ങിയ ഈ പാനീയം രക്തത്തിലെ പഞ്ചസാരയുടെ അളവിനെ നിയന്ത്രിച്ച് നി‍ർത്താൻ സഹായിക്കുന്നു.

പുതിന, നാരങ്ങ നീര്, വെള്ളരിക്ക എന്നിവ ചേർത്ത് പാനീയം തയ്യാറാക്കി കുടിക്കുന്നത് പ്രമേഹരോ​ഗികൾക്ക് ​ഗുണം ചെയ്യും. വെള്ളരിക്കയിൽ നാരുകൾ അടങ്ങിയിരിക്കുന്നതിനാൽ ഇത് രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു.

ഐസ് കോഫിയും ബദാം മിൽക്കും കഴിക്കുന്നത് ഉന്മേഷം ലഭിക്കാൻ സഹായിക്കും. ലാക്ടോസ് അലർജിയുള്ളവർക്ക് ബദാം മിൽക്ക് മികച്ചതാണ്.