Lemon: കടങ്ങള്‍ നീങ്ങും, തടസങ്ങള്‍ മാറും; ആഗ്രഹ സാഫല്യത്തിന് ദേവകനി!
ലക്ഷ്മീ ദേവിയുടെ പ്രതീകമാണ് നാരങ്ങ. നെഗറ്റീവ് എനര്‍ജിയെ പുറംതള്ളി പോസിറ്റീവ് എനര്‍ജിയെ ക്ഷണിച്ചുവരുത്തുന്ന ഒന്നാണ് നാരങ്ങ എന്ന് പറയപ്പെടുന്നു. അതിനാല്‍ വീടുകളിലെ മുന്‍ വാതിലില്‍ നാരങ്ങ തൂക്കി ഇടാവുന്നതാണ്.
സാമ്പത്തിക പുരോഗതിയ്ക്കും ആഗ്രഹ സഫലീകരണത്തിനും ചൊവ്വ, വെള്ളി ദിവസങ്ങളില്‍ ദേവീക്ഷേത്രങ്ങളില്‍ വഴിപാട് കഴിക്കുന്നത് ഫലം ചെയ്യും.
ക്ഷേത്രത്തില്‍ പോകാന്‍ കഴിയാത്തവര്‍ക്ക് വീട്ടിലും ചെയ്യാം. വീട്ടില്‍ നാരങ്ങാ ദീപം തെളിയിച്ചാല്‍ മാത്രം മതി. എങ്ങനെയാണ് ഇത് ചെയ്യേണ്ടത് എന്നാണ് ഇനി പറയാന്‍ പോകുന്നത്.
നാരങ്ങ രണ്ടായി മുറിച്ച് പുറംതൊലി അകത്തേയ്ക്ക് വരും വിധത്തില്‍ വെയ്ക്കുക. നെയ്യോ എണ്ണയോ ഉപയോഗിച്ച് ഒറ്റനാളം വരുന്ന രീതിയില്‍ കത്തിക്കുക.
1,3,5,7 നാരങ്ങകളില്‍ ഇതേ രീതിയില്‍ ദീപം തെളിയിക്കുക. കടങ്ങള്‍ നീങ്ങാനും ജോലിയിലെ തടസങ്ങള്‍ മാറാനും ഇത് സഹായിക്കും.
വിവാഹ തടസം, രാഹുദോഷം, കേതുദോഷം എന്നിവ മാറാന്‍ 7 ആഴ്ചകളില്‍ മുടങ്ങാതെ ദേവീക്ഷേത്രത്തില്‍ നാരാങ്ങാ ദീപം തെളിയിക്കുക. (Disclaimer: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെയും വിവരങ്ങളെയും അടിസ്ഥാനമാക്കിയുള്ളതാണ്)