Hypertension: ഉയർന്ന രക്തസമ്മർദ്ദം നിയന്ത്രിക്കാം; ഈ വീട്ടുവൈദ്യങ്ങൾ സഹായിക്കും
അനാരോഗ്യകരമായ ജീവിതശൈലിയും ഭക്ഷണശീലങ്ങളും മൂലം ഇന്ന് പലരിലും കണ്ടുവരുന്ന ഒരു ആരോഗ്യപ്രശ്നമാണ് ഉയർന്ന രക്തസമ്മർദ്ദം. ഇത് ഗുരുതരമായ ആരോഗ്യപ്രശ്നങ്ങളിലേക്ക് നയിക്കും.
സർപ്പഗന്ധയിൽ രക്തസമ്മർദ്ദം നിയന്ത്രിക്കുന്ന ഗുണങ്ങൾ അടങ്ങിയിരിക്കുന്നു. ഇത് രക്തപ്രവാഹം മെച്ചപ്പെടുത്തുന്നു, ധമനികളെ വികസിക്കാൻ സഹായിക്കുകയും സമ്മർദ്ദവും ഉത്കണ്ഠയും കുറയ്ക്കുകയും ചെയ്യുന്നു.
അശ്വഗന്ധ ഒരു വിഷരഹിത സസ്യമാണ്. അശ്വഗന്ധ മസ്തിഷ്കത്തെ ശാന്തമാക്കാൻ സഹായിക്കുന്നു, വീക്കം കുറയ്ക്കാനും രക്തസമ്മർദ്ദം കുറയ്ക്കാനും രോഗപ്രതിരോധ സംവിധാനത്തെ മികച്ചതാക്കാനും സഹായിക്കുന്നു.
തുളസി അണുബാധകളെ ചെറുക്കുന്നതിന് സഹായിക്കുന്നു. ഇതിലെ ആൻ്റിഓക്‌സിഡൻ്റ് ഗുണങ്ങൾ രക്തസമ്മർദ്ദം നിയന്ത്രിക്കാനും ഹൃദയാരോഗ്യം മെച്ചപ്പെടുത്താനും സഹായിക്കും.
രക്തസമ്മർദ്ദം നിയന്ത്രിക്കാൻ വെളുത്തുള്ളി വെള്ളം മികച്ചതാണ്. ഇത് രക്തചംക്രമണം മികച്ചതാക്കാനും ഹൃദയത്തിന്റെ സമ്മർദ്ദം കുറയ്ക്കാനും സഹായിക്കുന്നു.