Immunity boosting foods: പ്രതിരോധശേഷി വർധിപ്പിക്കാൻ മറക്കാതെ ഇവ ഭക്ഷണത്തിൽ ഉൾപ്പെടുത്താം

വിറ്റാമിൻ സിയുടെ സമ്പന്നമായ ഉറവിടമാണ് സിട്രസ് പഴങ്ങൾ. മുന്തിരി, ഓറഞ്ച്, ടാംഗറിൻ, നാരങ്ങ, ​ഗ്രേപ് ഫ്രൂട്ട് തുടങ്ങിയ സിട്രസ് പഴങ്ങൾ പോഷകങ്ങളാൽ സമ്പന്നമാണ്. സിട്രസ് പഴങ്ങൾ അണുബാധകളെ ചെറുക്കുന്ന വെളുത്ത രക്താണുക്കളുടെ ഉത്പാദനത്തെ പ്രോത്സാഹിപ്പിക്കുന്നു.

ആന്റിഓക്‌സിഡന്റുകളുടെയും പ്രതിരോധശേഷി വർധിപ്പിക്കുന്ന വിറ്റാമിനുകളായ എ, സി, ഇ എന്നിവയുടെ സമ്പന്നമായ സ്രോതസാണ് മത്തങ്ങ. രോഗപ്രതിരോധ ശേഷി വർധിപ്പിക്കുന്നതിൽ നിർണായക പങ്ക് വഹിക്കുന്ന ഒന്നാണ് വിറ്റാമിൻ എ. മത്തങ്ങയിൽ ഉയർന്ന അളവിൽ വിറ്റാമിൻ എ അടങ്ങിയിരിക്കുന്നു.

ഉള്ളിയും വെളുത്തുള്ളിയും വൈറസുകളെയും ബാക്ടീരിയകളെയും ചെറുക്കുന്ന ആന്റിഓക്‌സിഡന്റുകളാൽ സമ്പന്നമാണ്. സൾഫ്യൂറിക് സംയുക്തങ്ങളും വെളുത്തുള്ളിയിൽ അടങ്ങിയിട്ടുണ്ട്. പ്രതിരോധ ശേഷി വർധിപ്പിക്കുന്നതിന് വെളുത്തുള്ളി മികച്ചതാണ്.

വാൽനട്ട്സ് പ്രതിരോധശേഷി വർധിപ്പിക്കുന്നതിന് വളരെയേറെ സഹായകരമായ ഭക്ഷണമാണ്. ഒമേഗ 3 ഫാറ്റി ആസിഡുകൾ, വിറ്റാമിൻ ഇ എന്നിവയാൽ സമ്പന്നമാണ് വാൽനട്ട്സ്.

എല്ലാ ചെറിപ്പഴങ്ങളിലും ആൻറി-ഇൻഫ്ലമേറ്ററി, ആന്റിഓക്‌സിഡന്റ് സംയുക്തങ്ങൾ അടങ്ങിയിട്ടുണ്ട്. ഇത് പൊതുവായ ആരോഗ്യം മെച്ചപ്പെടുത്തുന്നതിന് സഹായിക്കും. നാരുകൾ, പൊട്ടാസ്യം, വിറ്റാമിൻ സി എന്നിവയുടെ നല്ല ഉറവിടമാണ് ചെറി.