Jammu Kashmir Encounter : സൈന്യത്തിൽ പ്രവേശിച്ചിട്ട് 4 വർഷമാകുന്നെയുള്ളു, അറിയാം രാജ്യത്തിനായി വീരമൃത്യു വരിച്ച വൈശാഖിനെ കുറിച്ച്

രാജ്യം ഞെട്ടലോടെയായിരുന്നു ജമ്മു കാശ്മീരിൽ ഭീകരരുമായിട്ടുള്ള ഏറ്റുമുട്ടലിൽ 5 സൈനികർ മരിച്ച വാർത്ത കേൾക്കാൻ ഇടയായത്. പിന്നാലെയായിരുന്നു എല്ലാവരെയും ഒന്നടങ്കം സംഘടത്തിലാഴ്ത്തി വീരമൃത്യു വരിച്ച 5 സൈനികരിൽ ഒരു മലയാളി ജവാനുണ്ടെന്നുള്ള വാർത്ത

കൊല്ലം കൊട്ടാരക്കര ഓടനാവട്ടം സ്വദേശിയായ എച്ച് വിശാഖാണ് ഭീകരരുമായിട്ടുള്ള ഏറ്റുമുട്ടലിൽ രാജ്യത്തിനായി വീരമൃത്യു വരിച്ചത്. 24-കാരനായ വൈശാഖ് നാല് വർഷം മുമ്പ് 2017ലാണ് സൈന്യത്തിൽ ചേരുന്നത്.

ഹരികുമാർ മീന ദമ്പതികളുടെ മകനാണ് വൈശാഖ്. കുടുംബത്തിന്റെ ഏക ആശ്രമായിരുന്നു 24കാരൻ കഴിഞ്ഞ ഓണത്തിനായിരുന്നു നാട്ടിലെത്തിയത്.

പഞ്ചാബ് സ്വദേശികളായ നായിബ് സുബേദാർ ജസ്വിന്ദർ സിങ്, നായിക്ക് മന്ദീപ് സിങ്, ജവനായ ഗജ്ജൻ സിങ്, ഉത്തർ പ്രദേശ് സ്വദേശിയായ ജവാൻ സറാജ് സിങ് എന്നിവരാണ് വീരമൃത്യു വരിച്ച് മറ്റ് ജവാന്മാർ

പൂഞ്ച് രജൗരി സെക്ടറിലാണ് സൈന്യവും ഭീകരരും തമ്മില്‍ ഏറ്റുമുട്ടലുണ്ടായത്. ഗുരുതരമായി പരിക്കേറ്റ സൈനികരെ ആശുപത്രിയിൽ (Hospital) പ്രവേശിപ്പിച്ചെങ്കിലും മരണം സംഭവിച്ചു.