Kannur Squad: ഇത് കലക്കൻ വിജയം; കണ്ണൂർ സ്ക്വാഡിന്റെ വിജയാഘോഷത്തിൽ കേക്ക് മുറിച്ച് മമ്മൂട്ടി
ചിത്രത്തിന്റെ വിജയം ആഘോഷിക്കുകയാണ് കണ്ണൂർ സ്ക്വാഡ് ടീം.
വിജയാഘോഷത്തിൽ മമ്മൂട്ടി കേക്ക് മുറിച്ച് സംവിധായകൻ ഉൾപ്പെടെയുള്ളവർക്ക് നൽകി.
ചിത്രം നിർമ്മിച്ച മമ്മൂട്ടി കമ്പനിയുടെ സോഷ്യൽ മീഡിയ പേജിൽ വിജയാഘോഷത്തിന്റെ ചിത്രങ്ങൾ പങ്കുവെച്ചിട്ടുണ്ട്.
ആഘോഷത്തിൽ പങ്കുചേരാൻ മമ്മൂട്ടിയുടെ ഭാര്യ സുൽഫിത്തും നടൻ കുഞ്ചാക്കോ ബോബനും ഉണ്ടായിരുന്നു.
റിലീസ് ചെയ്ത് മൂന്നാം ദിവസവും കേരള ബോക്സ് ഓഫീസിൽ നിന്ന് ചിത്രം 4 കോടിക്ക് മുകളിൽ നേടിയതായാണ് റിപ്പോർട്ട്. 12 കോടിക്ക് മുകളിൽ ആഗോളതലത്തിലും ചിത്രം നേടി കഴിഞ്ഞു.
റോബി രാജ് ആണ് സംവിധായകൻ. ഷാഫിയുടെ കഥയിൽ റോണി ഡോവിഡും ഷാഫിയും ചേർന്നാണ് തിരക്കഥ ഒരുക്കിയിരിക്കുന്നത്.
കിഷോർ, വിജയരാഘവൻ, അസീസ് നെടുമങ്ങാട്, റോണി ഡോവിഡ്, ശബരീഷ് തുടങ്ങിയ അഭിനേതാക്കളെല്ലാം മിന്നുന്ന പ്രകടനമാണ് സമ്മാനിച്ചത്. സുഷിൻ ശ്യാമിന്റെ ബിജിഎമ്മും എടുത്ത് പറയേണ്ട ഒന്നാണ്.