OTT release: പ്രകാശൻ പറക്കട്ടെ, വാശി, കടുവ; പുതിയ മലയാള സിനിമകളുടെ ഒടിടി റിലീസുകൾ
ധ്യാൻ ശ്രീനിവാസൻ തിരക്കഥയൊരുക്കി ഷഹദ് സംവിധാനം ചെയ്തിരിക്കുന്ന ചിത്രമാണ് പ്രകാശൻ പറക്കട്ടെ. തിയേറ്റർ പ്രദർശനത്തിന് ശേഷം ചിത്രം സീ5 ലൂടെ സ്ട്രീമിങ് ആരംഭിക്കും.
ടോവിനോ തോമസ്, കീർത്തി സുരേഷ് എന്നിവർ പ്രധാന വേഷത്തിലെത്തുന്ന ചിത്രമാണ് വാശി. ജൂലൈയിൽ നെറ്റ്ഫ്ലിക്സിലാണ് ചിത്രം സ്ട്രീമിങ് ആരംഭിക്കുക.
ഷറഫുദ്ദീൻ പ്രധാന കഥാപാത്രത്തെ അവതരിപ്പിക്കുന്ന പ്രിയൻ ഓട്ടത്തിലാണ് ജൂൺ 24 ന് തിയേറ്ററുകളിൽ റിലീസ് ചെയ്യും. തിയേറ്റർ പ്രദർശനത്തിന് ശേഷം ചിത്രം മനോരമ മാക്സിൽ സ്ട്രീമിങ് ആരംഭിക്കും.
മഞ്ജു വാര്യർ, ജയസൂര്യ എന്നിവർ കേന്ദ്ര കഥാപാത്രങ്ങളായ മേരി ആവാസ് സുനോ ഹോട്ട് സ്റ്റാലിൽ ജൂൺ 24 മുതൽ സ്ട്രീമിങ് ആരംഭിക്കും. ജി പ്രജേഷ് സെന്നാണ് ചിത്രം സംവിധാനം ചെയ്തിരിക്കുന്നത്.
ആസിഫ് അലിയും മേജർ രവിയും ഒന്നിച്ച കുറ്റവും ശിക്ഷയും ജൂൺ 24ന് നെറ്റ്ഫ്ലിക്സിലൂടെ സ്ട്രീമിങ് ആരംഭിക്കും. മാധ്യമപ്രവർത്തകനും തിരക്കഥാകൃത്തുമായ ശ്രീജിത്ത് ദിവാകരൻ, നടനും പോലീസ് ഉദ്യോഗസ്ഥനുമായ സിബി തോമസ് എന്നിവർ ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.
പൃഥ്വിരാജ് നായകനായ കടുവ ജൂൺ മുപ്പതിനാണ് തിയറ്ററുകളിൽ പ്രദർശനത്തിനെത്തുന്നത്. തിയേറ്റർ പ്രദർശനത്തിന് ശേഷം ചിത്രം ആമസോൺ പ്രൈമിൽ സ്ട്രീമിങ് ആരംഭിക്കും.