Mangal - Ketu Yuti: കന്നിരാശിയിൽ ചൊവ്വ-കേതു സംയോഗം; ഈ രാശിക്കാർക്ക് ദോഷം, ജാഗ്രത വേണം
ഒരു വ്യക്തിയുടെ ജാതകത്തിൽ കേതുവിന്റെ സ്ഥാനം അശുഭകരമായ സ്ഥാനത്താണെങ്കിൽ അവരുടെ ജീവിതത്തിൽ ഒരുപാട് പ്രശ്നങ്ങൾ ഉണ്ടാകാനുള്ള സാധ്യതയുണ്ട്. ഇപ്പോഴിതാ ഏകദേശം 2 മാസങ്ങൾക്ക് ശേഷം കേതു അതിന്റെ രാശിമാറാൻ പോകുകയാണ്. നിലവിൽ തുലാം രാശിയിലാണ് കേതു സഞ്ചരിക്കുന്നത്. ഒക്ടോബർ 30ഓടെ തുലാം വിട്ട് കന്നി രാശിയിലേക്ക് കേതു പ്രവേശിക്കും.
കേതു കന്നിരാശിയിൽ പ്രവേശിക്കുമ്പോൾ അവിടെ ചൊവ്വയുമായി കൂടിച്ചേരൽ ഉണ്ടാകും. ചൊവ്വയും കേതുവും കൂടിച്ചേരുന്നത് ചില രാശിക്കാർക്ക് ദോഷം ചെയ്യും. ഈ സമയത്ത് ഏതൊക്കെ രാശിക്കാരാണ് ശ്രദ്ധിക്കേണ്ടതെന്ന് നോക്കാം...
ഇടവം: കന്നിരാശിയിലെ കേതു-ചൊവ്വ സംയോജനം ഇടവം രാശിക്കാർക്ക് അശുഭകരമാണ്. ഈ സമയം നിങ്ങളുടെ ജീവിതത്തിൽ ഒരുപാട് ബുദ്ധിമുട്ടുകൾ ഉണ്ടാകും. ജോലിയിൽ സമ്മർദ്ദം ഉയരാൻ സാധ്യതയുണ്ട്. ശ്രദ്ധാപൂർവം മാത്രം തീരുമാനങ്ങൾ എടുക്കുക.
മിഥുനം: മിഥുനം രാശിക്കാർക്കും കേതു-ചൊവ്വ സംയോഗം ഗുണകരമല്ല. വ്യക്തിജീവിതത്തിലും തൊഴിൽപരമായും ധാരാളം പ്രശ്നങ്ങൾ ഉണ്ടായേക്കാം. യാത്ര ചെയ്യുമ്പോൾ ശ്രദ്ധിക്കുക. അമ്മയുടെ ആരോഗ്യ കാര്യത്തിലും ശ്രദ്ധ വേണം.
കന്നി: കന്നി രാശിയിലാണ് ചൊവ്വയും കേതുവും കൂടിച്ചേരുന്നത്. അതിനാൽ തന്നെ കന്നിരാശിക്ക് ഈ സംയോഗം നല്ലതല്ല. ചില കാര്യങ്ങളിൽ നിങ്ങൾക്ക് കാലതാമസം ഉണ്ടായേക്കാം. സാമ്പത്തിക ചെലവുകൾ ഉയരും. ദാമ്പത്യ ജീവിതത്തിലും പ്രശ്നങ്ങൾ ഉണ്ടാകും. അനാവശ്യമായ വഴക്കുകൾ ഒഴിവാക്കുന്നതാണ് നല്ലത്.
ധനു: ചൊവ്വയും കേതുവും കൂടിച്ചേരുന്ന ഈ സമയം ധനു രാശിക്കാർ ജാഗ്രത പാലിക്കണം. അനാവശ്യ ചെലവുകൾ ഒഴിവാക്കുന്നതാണ് നല്ലത്. സ്വന്തം ആരോഗ്യവും അമ്മയുടെ ആരോഗ്യവും ശ്രദ്ധിക്കുക. തർക്കം ഒഴിവാക്കുക.
(Disclaimer: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെയും വിവരങ്ങളെയും അടിസ്ഥാനമാക്കിയുള്ളതാണ്)