Sovereign Gold Bond Scheme 2021-22: സ്വർണ്ണത്തിൽ നിക്ഷേപം നടത്താൻ വീണ്ടും സുവർണ്ണാവസരം

2021-22 സാമ്പത്തിക വർഷത്തിന്റെ ആദ്യ ഗഡു പ്രകാരം മെയ് 17 നും 21 നും ഇടയിൽ വാങ്ങലുകൾ നടത്താം.   ബോണ്ടുകൾ മെയ് 25 ന് നൽകും.

സ്റ്റോക്ക് ഹോൾഡിംഗ് കോർപ്പറേഷൻ ഓഫ് ഇന്ത്യ ലിമിറ്റഡ്, നിയുക്ത പോസ്റ്റ് ഓഫീസുകൾ, അംഗീകൃത സ്റ്റോക്ക് എക്സ്ചേഞ്ചുകൾ, നാഷണൽ സ്റ്റോക്ക് എക്സ്ചേഞ്ച് ഓഫ് ഇന്ത്യ ലിമിറ്റഡ്, ബോംബെ സ്റ്റോക്ക് എക്സ്ചേഞ്ച് ലിമിറ്റഡ് എന്നിവയിലൂടെ ബോണ്ടുകൾ വിൽക്കുമെന്ന് മന്ത്രാലയം അറിയിച്ചു. 

ഈ ബോണ്ടുകൾ ഇന്ത്യൻ സർക്കാരിനു വേണ്ടി റിസർവ് ബാങ്ക് നൽകും. ചെറുകിട ധനകാര്യ ബാങ്കുകൾക്കും പേയ്‌മെന്റ് ബാങ്കുകൾക്കും ബോണ്ടുകൾ വിൽക്കാൻ അനുമതിയില്ല.

India Bullion and Jewelers Association Limited നൽകുന്ന വിലയുടെ സാധാരണ ശരാശരി വിലയിലായിരിക്കും സ്വർണ്ണ ബോണ്ടിന്റെ വിലയെന്ന് ധനമന്ത്രാലയം അറിയിച്ചു. നിക്ഷേപ കാലയളവിനു മുമ്പുള്ള ആഴ്ചയിലെ അവസാന മൂന്ന് പ്രവൃത്തി ദിവസങ്ങളിൽ 999 പ്യൂരിറ്റി സ്വർണ്ണത്തിന്റെ ശരാശരി വിലയായിരിക്കും ഈ വില. ബോണ്ടുകൾ വാങ്ങാൻ ഓൺലൈനിലോ ഡിജിറ്റലിലോ പണം അടയ്ക്കുന്നവർക്ക് ബോണ്ട് വിലയിൽ ഗ്രാമിന് 50 രൂപ കിഴിവ് ലഭിക്കും. 

ബോണ്ടിന് എട്ട് വർഷത്തെ കാലാവധിയുണ്ടാകും.  അതിൽ അഞ്ച് വർഷത്തിന് ശേഷം അടുത്ത പലിശ പേയ്മെന്റ് തീയതിയിൽ ബോണ്ടിൽ നിന്ന് പിന്മാറാനുള്ള ഓപ്ഷനും ഉണ്ടാകും. ഒരു ഗ്രാമിന്റെ അടിസ്ഥാന യൂണിറ്റ് അനുസരിച്ച് സ്വർണ്ണ ബോഡിൽ നിക്ഷേപം നടത്താം. കുറഞ്ഞത് ഒരു ഗ്രാം സ്വർണം നിക്ഷേപിക്കേണ്ടിവരും. 

പ്രസ്താവന പ്രകാരം ഏതൊരു വ്യക്തിക്കും പരമാവധി നാല് കിലോഗ്രാം വരെ വിലയുള്ള ബോണ്ടുകൾ വാങ്ങാം, അതേസമയം ട്രസ്റ്റുകൾക്കും സമാന സ്ഥാപനങ്ങൾക്കുമുള്ള പരമാവധി വാങ്ങൽ പരിധി 20 കിലോഗ്രാം ആണ്.