ആരാധകരുടെ മനസ്സിൽ ഒരിക്കലും മങ്ങാത്ത ഋഷി കപൂറിന്റെ 10 സിനിമകൾ..

പ്രശസ്ത നടനും ചലച്ചിത്ര നിർമ്മാതാവും സംവിധായകനുമായ രാജ് കപൂറിന്റെ മകനായ ഋഷി കപൂറിന്റെ ജനനം 1952 സെപ്റ്റംബർ 4 ന് മുംബൈയിൽ ആയിരുന്നു. പിതാവിന്റെ 'മേരാ നാം ജോക്കർ' എന്ന ചിത്രത്തിലൂടെയാണ് റിഷി കപൂർ സിനിമാ ജീവിതം ആരംഭിച്ചത്. 1970 ൽ പുറത്തിറങ്ങിയ ചിത്രത്തിൽ ടീച്ചറോട് പ്രണയം തോന്നിയ  14 വയസുള്ള ആൺകുട്ടിയുടെ വേഷത്തിലാണ് റിഷി കപൂർ അഭിനയിച്ചത്. ഋഷി കപൂറിന്റെ ഈ വേഷം പ്രേക്ഷക ഹൃദയത്തിൽ ഇടം നേടാൻ കഴിഞ്ഞു. 

1973 ൽ പിതാവ് രാജ് കപൂറിന്റെ ബാനറിൽ "ബോബി" എന്ന ചിത്രത്തിലും ഋഷി കപൂർ അഭിനയിച്ചു. 

1975 ൽ പുറത്തിറങ്ങിയ ഖേൽ ഖേൽ മീ എന്ന ചിത്രം നല്ല വിജയമായിരുന്നു.  

1977 ൽ റിലീസ് ചെയ്ത 'അമർ അക്ബർ ആന്റണി' ഋഷി കപൂറിന്റെ സിനിമാ ജീവിതത്തിലെ ഒരു പ്രധാന ചിത്രമാണ്. അദ്ദേഹത്തിന്റെ ചലച്ചിത്ര ജീവിതത്തിലെ ഏറ്റവും വലിയ വഴിത്തിരിവായിരുന്നു ഈ ചിത്രം.

1980 ൽ റിലീസ് ചെയ്ത 'കർസ്' അദ്ദേഹത്തിന്റെ സൂപ്പർഹിറ്റ് ചിത്രങ്ങളിലൊന്നാണ്.

1989 ൽ റിലീസ് ചെയ്ത 'ചാന്ദ്‌നി' യും ഋഷി കപൂർ അഭിനയിച്ച പ്രധാന ചിത്രങ്ങളിലൊന്നാണ്. ഈ ചിത്രം സംവിധാനം ചെയ്തിരിക്കുന്നത് യഷ് ചോപ്രയാണ്. 

1977 ൽ പുറത്തിറങ്ങിയ ഹം കിസിസെ കം നഹി എന്ന ചിത്രം അദ്ദേഹത്തിന്റെ സൂപ്പർ ഹിറ്റ് ചിത്രങ്ങളിൽ ഒന്നായിരുന്നു. 

1982 ൽ പുറത്തിറങ്ങിയ 'യേ വാദാ രഹാ' എന്ന ചിത്രത്തിന്റെ ടൈറ്റിൽ ട്രാക്ക് ഇപ്പോഴും ജനങ്ങളുടെ ഹൃദയത്തിൽ വസിക്കുന്നു.   

1986 ൽ പുറത്തിറങ്ങിയ നാഗിന എന്ന ചിത്രത്തിൽ ഋഷി കപൂറിന്റെ നായിക ശ്രീദേവിയായിരുന്നു.  ഇതിൽ ഒരു സർപ്പത്തിന്റെ കഥയെ അടിസ്ഥാനമാക്കിയായിരുന്നു  ചിത്രം.

2018 ൽ പുറത്തിറങ്ങിയ '102 നോട്ട് ഔട്ട്' എന്ന ചിത്രത്തിൽ അമിതാഭ് ബച്ചൻ-ഋഷി കപൂർ ജോഡി ആളുകളെ വളരെയധികം രസിപ്പിച്ചു.