Skincare: തിളക്കമുള്ള ചർമ്മം സ്വന്തമാക്കാൻ വീട്ടിൽ തന്നെയുണ്ട് വഴികൾ

ഒരു ഐസ് ട്രേയിൽ റൈസ് വാട്ടർ എടുത്ത് ഫ്രീസ് ചെയ്യുക. ഐസ് ക്യൂബുകളാക്കി മാറ്റിയ ശേഷം, ഇത് മുഖത്ത് വച്ച് മസാജ് ചെയ്യുക. റൈസ് വാട്ടർ ചർമ്മം തിളക്കമുള്ളതാക്കാൻ സഹായിക്കുന്നു.

ഒരു ടീസ്പൂൺ പാലും ഒരു ടീസ്പൂൺ തേനും എടുത്ത് മിശ്രിത രൂപത്തിലാക്കുക. ഇത് മുഖത്ത് തേച്ച് പിടിപ്പിച്ച് 15 മിനിറ്റിന് ശേഷം കഴുകിക്കളയുക. ഇത് നിങ്ങൾക്ക് തിളങ്ങുന്ന ചർമ്മം നൽകുന്നു.

കോൾഡ് ടവൽ കംപ്രസ് നിങ്ങളുടെ ചർമ്മത്തെ മികച്ചതായി നിലനിർത്താൻ സഹായിക്കുന്ന ഒന്നാണ്. ഇതിനായി, ഒരു ടവൽ എടുത്ത് തണുത്ത വെള്ളത്തിൽ മുക്കിയതിന് ശേഷം മുഖത്ത് വയ്ക്കുക. ഇത് ചർമ്മത്തിലെ വീക്കം കുറയ്ക്കുകയും ചർമ്മത്തിന് തിളക്കം നൽകുകയും ചെയ്യും.

കുറച്ച് ഏത്തപ്പഴം എടുത്ത് പേസ്റ്റ് രൂപത്തിലാക്കി ഈ പേസ്റ്റ് മുഖത്തും കഴുത്തിലും പുരട്ടി അഞ്ച് മിനിറ്റ് സ്‌ക്രബ് ചെയ്യുക. തുടർന്ന് തണുത്ത വെള്ളത്തിൽ കഴുകുക. ഇത് ചർമ്മം മൃദുവാക്കാനും തിളക്കമുള്ളതാക്കാനും സഹായിക്കും.

ഇടയ്ക്കിടെ മുഖത്ത് മസാജ് ചെയ്യുന്നത് വളരെ ഗുണം ചെയ്യും. നിങ്ങൾക്ക് ഏതെങ്കിലും മോയ്സ്ചറൈസർ ഉപയോ​ഗിച്ച് മുഖം മസാജ് ചെയ്യാവുന്നതാണ്. മസാജ് ചെയ്യുന്നത് ചർമ്മത്തിലെ ചുളിവുകൾ ഇല്ലാതാക്കുന്നതിനും ചർമ്മം മൃദുവായിരിക്കുന്നതിനും സഹായിക്കുന്നു.