സാഹസികത ഇഷ്ടപ്പെടുന്നവർക്ക് വേനൽക്കാലം ആഘോഷിക്കാൻ ഇന്ത്യയിലെ മികച്ച നാല് ട്രക്കിങ് കേന്ദ്രങ്ങൾ

രാജ്യ തലസ്ഥാനത്തിനടുത്തുള്ള ഒരു പ്രശസ്തമായ ട്രെക്കിംഗ് കേന്ദ്രമാണ് നാഗ് ടിബ്ബ. ഉത്തരാഖണ്ഡിലെ തെഹ്‌രി ഗർവാൾ മേഖലയിൽ 3022 മീറ്റർ ഉയരത്തിൽ ഈ സ്ഥലം. കുന്നുകളെ പുതഞ്ഞ് നിൽക്കുന്ന ദേവദാരു മരങ്ങളുടെ മനോഹരമായ കാഴ്ചകൾ നാ​ഗ് ടിബ്ബ നിങ്ങൾക്ക് നൽകും. നാ​ഗ് ടിബ്ബ സന്ദർശിക്കാൻ ഏറ്റവും അനുയോജ്യമായ മാസങ്ങൾ ഫെബ്രുവരി മുതൽ ജൂൺ വരെയും സെപ്റ്റംബർ, ഡിസംബർ മാസങ്ങളുമാണ്.

മഞ്ഞുമലകളാൽ ചുറ്റപ്പെട്ട ഡിയോറിയ ടാൽ, സ്വപ്നതുല്യമായ യാത്രയാണ് നൽകുക. മിന്നുന്ന തെളിഞ്ഞ തടാകമെന്നാണ് ഈ സ്ഥലത്തിന്റെ പേര് അർഥമാക്കുന്നത്. വൈവിധ്യമാർന്ന സസ്യജന്തുജാലങ്ങളാൽ നിറഞ്ഞതാണ് ഈ പ്രദേശം. ഉത്തരാഖണ്ഡിലെ ഉഖിമത്ത്-ചോപ്തയിൽ 2438 മീറ്റർ ഉയരത്തിലാണ് ഈ പ്രദേശം സ്ഥിതി ചെയ്യുന്നത്.

ദയാര ബുഗ്യാൽ ട്രക്കിങ് പ്രേമികളുടെ ഒരു ഇഷ്ട കേന്ദ്രമാണ്. രാജ്യത്തെ ഏറ്റവും മനോഹരമായ ട്രക്കിങ് കേന്ദ്രങ്ങളിലൊന്നാണിത്. ഹരിത തടാകങ്ങളുടെ സാന്നിധ്യം ഈ പ്രദേശത്തെ കൂടുതൽ മനോഹരമാക്കുന്നു. ഉത്തരാഖണ്ഡിലാണ് ഈ ട്രക്കിങ് കേന്ദ്രവും സ്ഥിതി ചെയ്യുന്നത്. 3048 മീറ്റർ ഉയരത്തിലാണ് ഈ പ്രദേശം.

പ്രശസ്തമായ ഗർവാൾ പർവതനിരകളിലാണ് കേദാർകാന്ത ട്രക്കിങ് കേന്ദ്രം. നിരവിധ മനോഹരമായ കാഴ്ചകളുള്ള ഈ സ്ഥലം വർഷം മുഴുവനും ട്രക്കിങ്ങിനായി തുറന്നിരിക്കുന്നു. ഉത്തരാഖണ്ഡിലെ ഡെറാഡൂണിന് സമീപമാണ് ഈ പ്രദേശം സ്ഥിതി ചെയ്യുന്നത്. 3500 മീറ്റർ ഉയരത്തിലാണ് ഈ പ്രദേശം.