Hanuman Jayanti 2024: ഹനുമാൻ സ്വാമിയുടെ അനുഗ്രഹത്താൽ ഈ നാല് രാശിക്കാർക്കുണ്ടാകും സമ്പത്തും പുരോഗതിയും
ഹിന്ദു വിശ്വാസത്തിൽ ഹനുമാൻ ജയന്തി വിശേഷദിവസമായി കണക്കാക്കുന്നു. ഈ വർഷം ഹനുമാൻ ജയന്തിയിൽ ഗ്രഹങ്ങളുടെ സംക്രമണം മൂലം നാല് രാശിക്കാർക്ക് സമ്പത്തും പുരോഗതിയും ഉണ്ടാകും.
മേടം രാശിക്കാർക്ക് ഹനുമാൻ ജയന്തി ദിനം ശുഭകരമായിരിക്കും. പുതിയ വരുമാന സ്രോതസുകൾ സൃഷ്ടിക്കും. സാമ്പത്തിക പുരോഗതിയുണ്ടാകും. ജോലി അന്വേഷിക്കുന്ന ആളുകൾക്ക് നല്ല അവസരങ്ങൾ ലഭിക്കും. കേസ് സംബന്ധമായി അനുകൂല വിധി ഉണ്ടാകും. പ്രശ്നങ്ങൾ അവസാനിക്കും.
മിഥുനം രാശിക്കാർക്ക് ജോലി സ്ഥലത്ത് പുരോഗതിയുണ്ടാകും. സ്ഥാനക്കയറ്റം ലഭിക്കും. സമൂഹത്തിൽ ബഹുമാനം വർധിക്കും. കുടുംബത്തോടൊപ്പം കൂടുതൽ സമയം ചിലവഴിക്കും. ബിസിനസുകാർക്കും അനുകൂല സമയമാണ്.
വൃശ്ചിക രാശിക്കാർക്ക് ഹനുമാൻ ജയന്തി നല്ല ഫലങ്ങൾ നൽകും. കരിയറിൽ സുവർണാവസരങ്ങൾ ലഭിക്കും. വിദേശത്ത് പോകാൻ ആഗ്രഹിക്കുന്ന വിദ്യാർഥികൾക്ക് അനുകൂല സാഹചര്യമാണ്. വ്യവസായികൾക്ക് ബിസിനസിൽ പുരോഗതിയുണ്ടാകും.
കുംഭം രാശിക്കാർക്ക് ഹനുമാൻ ജയന്തിയിൽ സന്തോഷ വാർത്തയുണ്ടാകും. മുടങ്ങിക്കിടക്കുന്ന പണം തിരികെ ലഭിക്കും. വ്യാപാരികൾക്ക് മികച്ച സമയമായിരിക്കും. നിക്ഷേപം നടത്താൻ അനുകൂല സമയമാണ്.