Snoring: കൂർക്കംവലിയാണോ പ്രശ്നം? ഇക്കാര്യങ്ങൾ ഒന്ന് ചെയ്ത് നോക്കൂ

നമ്മൾ ഉറങ്ങാൻ കിടക്കുന്ന രീതി എപ്പോഴും കൂർക്കംവലിക്ക് കാരണമാകാറുണ്ട്. അതിനാൽ ഒരു വശം തിരിഞ്ഞ് കിടക്കുന്നത് കൂർക്കം വലി കുറയ്ക്കാൻ സഹായിക്കും. 

കൂടുതൽ തലയിണകൾ വെച്ച് തല ഉയർത്തി കിടന്ന് നോക്കുക. ഇത് ശ്വസനനാളങ്ങൾ തുറക്കുന്നതിനും കൂർക്കം വലി കുറയ്ക്കുന്നതിനും സഹായിക്കും. 

കിടക്കുന്നതിന് ഒരു രണ്ട് മണിക്കൂർ മുൻപെങ്കിലും ഭക്ഷണം കഴിക്കേണ്ടത് അത്യാവശ്യമാണ്. വയർ നിറഞ്ഞിരിക്കുമ്പോൾ ഉറങ്ങുന്നത് കൂർക്കംവലിക്ക് കാരണമാകും.

ഉറങ്ങാൻ പോകുന്നതിന് തൊട്ടുമുൻപുള്ള മദ്യപാനം ഒഴിവാക്കുക. ഇത് കൂർക്കംവലിക്ക് കാരണമാകും.

പുകവലിക്കാരിൽ കൂർക്കംവലിക്കുള്ള സാധ്യത കൂടുതലാണ്.

നീർജലീകരണം കൊണ്ട് ചിലപ്പോൾ കൂർക്കംവലി ഉണ്ടാകാം. അതിനാൽ വെള്ളം കുടിക്കുക.

പതിവായി വ്യായാമം ചെയ്യുന്നതും കൂർക്കംവലി കുറയ്ക്കാൻ സഹായിക്കും.