സസ്യാഹാരികൾക്ക് വൈറ്റമിൻ ബി 12 കുറയാതിരിക്കാൻ ഈ ഭക്ഷണങ്ങൾ കഴിക്കാം

വൈറ്റമിൻ ബി12 ധാരാളം അടങ്ങിയ ഒന്നാണ് പശുവിൻ പാൽ. പാലിൽ അടങ്ങിയിരിക്കുന്ന വൈറ്റമിൻ ബി12 ശരീരത്തിന് വലിച്ചെടുക്കാനും എളുപ്പമാണ്.

ന്യൂട്രീഷണൽ യീസ്റ്റിൽ വൈറ്റമിൻ ബി12 വലിയ തോതിലുണ്ട്. പോപ്കോണിലോ സാലഡിലോ വിതറിയോ സൂപ്പിൽ ചേർത്തോ ന്യൂട്രീഷണൽ യീസ്റ്റ് കഴിക്കാം.

സമ്പുഷ്ടീകരിച്ച ധാന്യങ്ങൾ വൈറ്റമിൻ ബി12ന്റെ സമ്പന്നമായ ഉറവിടമാണ്. ഓട് ബ്രാൻ ഫ്ലേക്സ്, കോൺ ഫ്ലേക്സ് എന്നിവയെല്ലാം ഭക്ഷണത്തിന്റെ ഭാ​ഗമാക്കാം.

സോയ പനീറും ‌വൈറ്റമിൻ ബി12 അടങ്ങിയ ഭക്ഷണമാണ്. ടൊഫു എന്നറിയപ്പെടുന്ന സോയ പാൽ കൊണ്ടാണ് ഈ പനീർ ഉണ്ടാക്കുന്നത്.

വൈറ്റമിൻ ബി12ന്റെ നല്ല സ്രോതസാണ് യോ​ഗർട്ട്. മാംസാഹാരത്തിൽ കോഴിയിറച്ചിയിലും പോർക്ക് ഇറച്ചിയിലുമാണ് വൈറ്റമിൻ ബി12 ധാരാളമായി അടങ്ങിയിരിക്കുന്നത്. കോഴിയിറച്ചിയിലെയോ പോർക്ക് ഇറച്ചിയിലെയോ വൈറ്റമിൻ ബി12നേക്കാൾ എളുപ്പത്തിൽ യോ​ഗർട്ടിലെ വൈറ്റമിൻ ബി12 ശരീരത്തിന് വലിച്ചെടുക്കാൻ സാധിക്കും.