AFC Asian Cup 2023 : ഇന്ത്യയുടെ ഏഷ്യൻ സ്വപ്നം; ഇന്ന് ഉസ്ബെക്കിസ്ഥാൻ എതിരാളി, മത്സരം എപ്പോൾ എവിടെ കാണാം?

AFC Asian Cup 2023 India vs Uzbekistan Football Live Streaming : എ എഫ് സി ഏഷ്യൻ കപ്പ് ഗ്രൂപ്പ് ഘട്ടത്തിലെ രണ്ടാം മത്സരത്തിന് ഇന്ത്യ ഇന്ന് ഇറങ്ങും. ഉസ്ബെക്കിസ്ഥാൻ രണ്ടാം മത്സരത്തിൽ ഇന്ത്യയുടെ എതിരാളി. ടൂർണമെന്റിലെ അടുത്തഘട്ടത്തിലേക്ക് ഇന്ത്യക്ക് പ്രവേശന സാധ്യത നിലനിർത്താൻ ഇന്നത്തെ മത്സരത്തിൽ ജയം അനിവാര്യമാണ്. ഇന്ത്യൻ സമയം രാത്രി എട്ട് മണിക്കാണ് കിക്കോഫ്. 

ഓസ്ട്രേലിയയ്ക്കെതിരെ ആദ്യ മത്സരത്തിൽ തോൽവി ഏറ്റു വാങ്ങിയാണ് ഇന്ത്യ ടൂർണമെന്റിന് തുടക്കമിട്ടത്. എന്നാൽ ഇന്ത്യയുടെ ശക്തമായ പ്രതിരോധത്തിൽ ഓസ്ട്രേലിയ ആദ്യമൊന്ന് അശങ്കയിലാഴ്ന്നിരുന്നു. എതില്ലാത്ത രണ്ട് ഗോളുകൾക്കാണ് നിലവിലെ ഏഷ്യ കപ്പ് ജേതാക്കളായ ഓസീസ് ഇന്ത്യയെ തോൽപ്പിച്ചത്. ആദ്യപകുതി സമനിലയിൽ പിരിയുകയായിരിന്നു.

അതേസമയം ഇന്നത്തെ മത്സരത്തിൽ ആക്രമണത്തിന് കൂടുതൽ പ്രധാന്യം നൽകുമെന്ന് കോച്ച് ഇഗോർ സ്റ്റിമാക്ക് അറിയിച്ചിരുന്നു. പരിക്ക് പൂർണമായി പൂർണമായി ഭേദമാകാത്ത സഹൽ അബ്ദുൽ സമദ് ഇന്നും ബെഞ്ചിൽ പോലുമില്ല. മലയാളി താരം ബെഞ്ചിലെ പട്ടികയിൽ ഉൾപ്പെട്ടിട്ടുണ്ട്. 

ഗ്രൂപ്പ്ഘട്ടത്തിലെ ആദ്യ സിറിയക്കെതിരെയുള്ള ആദ്യ മത്സരം ഉസ്ബെക്കിസ്ഥാൻ സമനില വഴങ്ങുകയായിരുന്നു. നിലവിൽ പോയിന്റൊന്നുമില്ലാത്ത ഇന്ത്യ ഗ്രൂപ്പ് പട്ടികയിൽ അവസാന സ്ഥാനത്താണ്. ബാക്കിയുള്ള രണ്ട് മത്സരങ്ങളിൽ ജയിക്കാനായൽ ഇന്ത്യക്ക് എ എഫ് സി ഏഷ്യൻ കപ്പിന്റെ അടുത്തഘട്ടത്തിലേക്ക് പ്രവേശിക്കാനാകും.ഫിഫ് റാങ്കിങ്ങിൽ ഉസ്ബെക്കിസ്ഥാൻ 68-ാം സ്ഥാനത്താണ്. ഇന്ത്യയുടെ സ്ഥാനം 102-ാം സ്ഥാനത്താണ്.

ഇന്ത്യയുടെ ഇന്നത്തെ പ്ലേയിങ് ഇലവൻ

ഗുർക്രീത് സിങ് സന്ധു, നിഖിൽ പൂജാരി, സന്ദേഷ് ജിങ്കൻ, രാഹുൽ ഭെകെ, ആകാശ് മിശ്ര, സുരേഷ് സിങ്, അനിരുദ്ധ താപ്പാ, ലലെങ്മാവ്യ റാൽട്ടെ, മഹേഷ് സിങ്, സുനിൽ ഛേത്രി, മൻവീർ സിങ്

ഇന്ത്യ-ഉസ്ബെക്കിസ്ഥാൻ മത്സരം എവിടെ ലൈവായി കാണാൻ സാധിക്കും?

ഇന്ത്യൻ സമയം രാത്രി എട്ട് മണിക്കാണ് ഇന്ത്യ-ഉസ്ബെക്കിസ്ഥാൻ മത്സത്തിന്റെ കിക്കോഫ്. ഖത്തറിൽ അഹമ്മദ് ബിൻ അലി സ്റ്റേഡിയത്തിൽ വെച്ചാണ് മത്സരം. നെറ്റ്വർക്ക് 18നാണ് എ എഫ് സി ഏഷ്യൻ കപ്പിന്റെ ഇന്ത്യയിലെ സംപ്രേഷണവകാശമുള്ളത്. സ്പോർട്സ് 18 ചാനലിലൂടെയാണ് മത്സരത്തിന്റെ ടെലിവിഷൻ സംപ്രേഷണമുള്ളത്. ജിയോ സിനിമ ആപ്പിലൂടെ മത്സരത്തിന്റെ തത്സമ സംപ്രേഷണം ഓൺലൈനിലൂടെ കാണാൻ സാധിക്കും.