തലച്ചോറിലെ രക്തസ്രാവത്തെ തുടര്ന്ന് അലക്സ് ഫെര്ഗുസന് അതീവ ഗുരുതരാവസ്ഥയില്
മാഞ്ചസ്റ്റര് യുണൈറ്റഡിന്റെ ഇതിഹാസ പരിശീലകന് സര് അലക്സ് ഫെര്ഗുസന് അതീവ ഗുരുതരാവസ്ഥയില്. തലച്ചോറിലെ രക്തസ്രാവത്തെ തുടര്ന്നാണ് അദ്ദേഹത്തെ ആശുപത്രിയില് പ്രവേശിപ്പിച്ചത്. രക്ത സ്രാവം അമിതമായതിനാല് അടിയന്തര ശസ്ത്രക്രിയയ്ക്ക് വിധേയമാക്കി.
ഫര്ഗൂസന്റെ ആരോഗ്യനിലയെ സംബന്ധിച്ച് കൂടുതല് വിവരങ്ങള് പുറത്ത് വിട്ടിട്ടില്ല. എത്രയും പെട്ടെന്ന് ആരോഗ്യം വീണ്ടടുക്കുമെന്ന് പ്രത്യാശിക്കുന്നതായി മാഞ്ചസ്റ്റര് യുണൈറ്റഡ് തങ്ങളുടെ ഔദ്യോഗിക വെബ്സൈറ്റിലൂടെ പ്രതികരിച്ചു.
2013 മേയിലാണ് ഫെര്ഗുസന് യുണൈറ്റഡ് പരിശീലക സ്ഥാനമൊഴിയുന്നത്. 1986 മുതല് 26 വര്ഷക്കാലം യുണൈറ്റഡിനെ അദ്ദേഹം പരിശീലിപ്പിച്ചു. 13 പ്രീമിയര് ലീഗ് കിരീടം അടക്കം 38 ട്രോഫികള് ഫെര്ഗൂസന്റെ പരിശീലന മികവില് യുണൈറ്റഡ് സ്വന്തമാക്കി.