Asian Games 2023 : ഷൂട്ടിങ്ങിൽ ഇന്ത്യയുടെ സ്വർണക്കൊയ്ത്ത്; ആകെ സ്വർണനേട്ടം ആറായി

ഹാങ്ചോ ഏഷ്യൻ ഗെയിംസിൽ ഇന്ത്യയുടെ സ്വർണനേട്ടം ആറായി. പുരുഷന്മാരുടെ പത്ത് മീറ്റർ എയർ പിസ്റ്റൽ ടീം ഇനത്തിലാണ് ഇന്ത്യ സ്വർണം സ്വന്തമാക്കിയത്. സരബ്ജോട്ട് സിങ്. അർജുൻ സിങ് ചീമ, ശിവ നർവാൾ എന്നിവരടങ്ങുന്ന ഇന്ത്യൻ ടീമാണ് ഹങ്ചോയിൽ ഇന്ത്യക്ക് ആറാം സ്വർണം നേടി നൽകിയത്. ചൈനയെ പിന്തള്ളിയാണ് ഇന്ത്യയുടെ സുവർണനേട്ടം. ഷൂട്ടിങ്ങിൽ മാത്രമായി ഇന്ത്യ നേടുന്ന നാലമത്തെ സ്വർണമാണിത്. ഷൂട്ടിങ്ങിൽ ആകെ 13 മെഡലുകളാണ് ഇന്ത്യ നേടിയിരിക്കുന്നത്.

ഇതോടെ ഇന്ത്യയുടെ മെഡൽ നേട്ടം ആറ് സ്വർണം, എട്ട് വെള്ളി, പത്ത് വെങ്കലം എന്നിങ്ങിനെ 24 ആയി ഉയർന്നു. ഷൂട്ടിങ്ങിലെ സ്വർണ നേട്ടത്തിനൊപ്പം വുഷുവിൽ ഇന്ത്യയിൽ വെള്ളി സ്വന്തമാക്കി. വനിതകളുടെ 60 കിലോ വിഭാഗത്തിൽ റോഷിബിന ദേവിയാണ് ഇന്ത്യക്കായി വെള്ളഇ നേടിയത്. 

മെഡൽ പ്രതീക്ഷയുമായി ഇന്ത്യക്ക് ഇന്ന് രണ്ട് ഫൈനലാണുള്ളത്. വനിതകളുടെ ജിംനാസ്റ്റികിലും പുരുഷന്മാരുടെ അശ്വാഭ്യസത്തിൽ ടീം ഇനത്തിലുമാണ് ഇന്ത്യ ഇന്ന് മെഡൽ പ്രതീക്ഷയുമായി ഇറങ്ങുക.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy