IPL 2022: മഞ്ഞ ജേഴ്സിയണിഞ്ഞ് തല.. എം എസ് ധോണിയുടെ പുത്തൻ വീഡിയോ വൈറലാകുന്നു

IPL 2022: ഐപിഎൽ സീസണിനായുള്ള തയ്യാറെടുപ്പിലാണ് 10 ടീമുകളും താരങ്ങളും. ഇതിനിടയിൽ ചെന്നൈ സൂപ്പർ കിംഗ്സ് നായകൻ എം എസ് ധോണിയുടെ പരിശീലന ചിത്രങ്ങളും വീഡിയോകളും ഉൾപ്പെടെ ഇടക്കിടെ പുറത്തു വരുന്നുണ്ട്. ഇപ്പോഴിതാ താരത്തിന്റെ ഏറ്റവും പുതിയ വീഡിയോ ഇപ്പോൾ പുറത്ത് വന്നിരിക്കുകയാണ്. 

പരിശീലത്തിനിടെ പന്തുകൾ പറപ്പിച്ച് മത്സരങ്ങൾക്കായി കച്ചമുറുക്കുന്ന താരത്തിന്റെ ദൃശ്യങ്ങളാണ് ഇതുവരെ വന്നിട്ടുള്ളതെങ്കിൽ അതിൽ നിന്നും വ്യത്യസ്തമായിട്ടുള്ളതാണ് ഈ വീഡിയോ.

ഇത്തവണ എല്ലാ മത്സരങ്ങളും നടക്കുന്നത് മുംബൈയിലും പൂനെയിലുമായാണ്.  തങ്ങളുടെ നാട്ടിലെത്തുന്ന മറ്റ് ഒൻപത് ടീമുകളെയും ഹൃദ്യമായി വരവേൽക്കുകയാണ് രോഹിത് ശർമ്മയും കൂട്ടരും.  നഗരത്തിലുടനീളം എല്ലാ ടീമുകളെയും സ്വാഗതം ചെയ്ത് ബിൽബോർഡുകൾ ഉൾപ്പെടെ സജ്ജീകരിച്ചിരിക്കുകയാണ്  മുംബൈ ഇന്ത്യൻസ്.