Inter Miami vs Al Nassr : മെസിയുടെ ഇന്റർ മിയാമിയും റൊണാൾഡോയുടെ അൽ നാസർ ഇന്ന് നേർക്കുനേർ; പക്ഷെ പോർച്ചുഗീസ് താരം മത്സരത്തിനിറങ്ങില്ല

Inter Miami vs Al Nassr Live : വീണ്ടുമൊരു മെസി റൊണാൾഡോ പോരാട്ടം കാണാമെന്ന് പ്രതീക്ഷിച്ചവർക്ക് തിരിച്ചടി. ഇന്ന് നടക്കുന്ന ഇന്റർ മിയാമി അൽ നാസർ മത്സരത്തിൽ പോർച്ചുഗീസ് സൂപ്പർ താരം ക്രിസ്റ്റ്യാനോ റൊണാൾഡോ പങ്കെടുക്കില്ല. ഇരുതാരങ്ങൾ യുറോപ്പ് വിട്ടതിന് ശേഷം ആദ്യമായി നേർക്കുനേരെ എത്തുമെന്നായിരിന്നു ആരാധകർ പ്രതീക്ഷിച്ചിരുന്നത്. എന്നാൽ റൊണാൾഡോ ഇന്നത്തെ മത്സരത്തിൽ പങ്കെടുക്കില്ലയെന്ന് അൻ നാസർ കോച്ച് ലൂയിസ് കാസ്ട്രോ അറിയിച്ചു. 

തുടയ്ക്ക് പരിക്കേറ്റ താരം പൂർണമായിട്ടും പരിക്കിൽ നിന്നും മുക്തനായിട്ടില്ല. താരം ടീമിലേക്ക് തിരിച്ചെത്താൻ ഇനിയും വൈകുമെന്ന് കഴിഞ്ഞ ദിവസം നടന്ന വാർത്തസമ്മേളനത്തിൽ പോർച്ചുഗീസ് കോച്ച് അറിയിച്ചു.

അൽ നാസർ- ഇന്റർ മിയാമി മത്സരം എവിടെ കാണാം?

ഇന്ന് ഫെബ്രുവരി ഒന്നിനാണ് അൽ നാസർ- ഇന്റർ മിയാമി മത്സരം. റിയാദിൽ വെച്ച് ഇന്ത്യൻ സമയം 1130നാണ് മത്സരം. റിയാദ് കിങ്ഡം അരീനയിൽ വെച്ചാണ് മത്സരം നടക്കുന്നത്. യുട്യൂബിലൂടെ അൽ നാസർ ഇന്റർ മിയാമി മത്സരം ലൈവായി കാണാൻ സാധിക്കും. എംഎൽഎസ് സോകറിന്റെ ഔദ്യോഗിക വെബ്സൈറ്റിലൂടെയും മത്സരത്തിന്റെ തത്സമയം സംപ്രേഷണം ഉണ്ട്. കൂടാതെ ആപ്പിൽ ടിവിയിലും തത്സമയം സംപ്രേഷണമുണ്ട്.