ന്യൂയോര്‍ക്ക്: യുഎസ് ഓപ്പണില്‍ ഇന്ത്യയുടെ സാനിയ മിര്‍സ-ചെക് റിപ്പബ്ലിക്കിന്‍റെ ബാര്‍ബറ ക്രെജികോവ സഖ്യം വനിതാ ഡബിള്‍സില്‍ ക്വാര്‍ട്ടറില്‍ കടന്നു. അമേരിക്കന്‍-ജാപ്പനീസ് ജോഡി നിക്കോളെ ഗിബ്‌സ്-നാവൊ ഹിബിനോയെയാണ് സാനിയ സഖ്യം പ്രീക്വാര്‍ട്ടറില്‍ കീഴടക്കിയത്. സ്‌കോര്‍ 6-4, 7-5 . ഒരു മണിക്കൂര്‍ 17 മിനിറ്റ് നീണ്ട പോരാട്ടത്തിനൊടുവിലാണ് ഇന്ത്യ-ചെക് സഖ്യം ജയം കരസ്ഥമാക്കിയത്.


ഇന്ത്യയുടെ രോഹന്‍ ബൊപ്പണ്ണ-കാനഡയുടെ ഗബ്രിയേല ഡബ്‌റോവ്‌സ്‌കി സഖ്യം മിക്‌സഡ് ഡബിള്‍സ് സഖ്യം ക്വാര്‍ട്ടറില്‍ പരാജയപ്പെട്ടിരുന്നു. 6-1, 2-6, 8-10ന് കൊളംബിയയുടെ റോബര്‍ട്ട് ഫറ-ജര്‍മനിയുടെ അന്ന ലെന ഗ്രോനിഫിഡ് കൂട്ടുകെട്ടിനോടാണ് ബൊപ്പണ്ണ-ഗബ്രിയേല സഖ്യം പരാജയപ്പെട്ടത്.