Apple event 2024: ആപ്പിൾ ഇന്റലിജൻസ്, എ18 പ്രോ ചിപ്പ്...... ഐഫോണിന്റെ പുതിയ മോഡലുകളും ഫീച്ചറുകളുമായി ആപ്പിൾ

ഇന്റ്സ് ​ഗ്ലോടൈം ഇവന്റിൽ പുതിയ ഉൽപന്നങ്ങളും ഫീച്ചറുകളും അവതരിപ്പിച്ച് ആപ്പിൾ സിഇഒ ടിം കുക്ക്. ഐഫോൺ 16, ഐഫോൺ 16 പ്ലസ്, ഐഫോൺ 16 പ്രോ, ഐഫോൺ 16 പ്രോ മാക്സ് എന്നിവയാണ് അവതരിപ്പിച്ച പ്രധാന മോഡലുകൾ. ഐഫോൺ സീരിസ്, എയർപേഡ് 4ന്റ് പുതിയ വേരിയന്റുകൾ, പുതുക്കിയ വാച്ച് സീരീസ് 10 എന്നിവ അവതരിപ്പിച്ചു. വിഷൻ പ്രോയുടെ ഭാവി സാധ്യതകൾ അനാവരണം ചെയ്യുകയും ആപ്പിളിന്റെ ഈ വർഷത്തെ ഏറ്റവും വലിയ ഹാർഡ് വെയർ ലോഞ്ച് എഐ പ്രഖ്യാപിക്കുകയും ചെയ്തു.

ഐഫോൺ 16, 16 പ്ലസ് മോഡലുകൾ സെപ്റ്റംബർ 20 മുതൽ ഇന്ത്യയിൽ ലഭ്യമാകും. ഐഫോൺ 16 സീരീസ് 128 ജിബി, 256 ജിബി, 512 ജിബി സ്റ്റോറേജ് വേരിയെന്റുകളിൽ ഇന്ത്യയിൽ വിൽക്കും.

ഐഫോൺ 16

ഐഫോൺ 16 അൾ്ട്രാമറൈൻ, ടീൽ, പിങ്ക്, വെള്ള, കറുപ്പ് എന്നീ പുതിയ നിറങ്ങളിൽ ലഭ്യമാകും.

48MP അൾട്രാ വൈഡ് ക്യാമറ, 12MP 5X ടെലിഫോട്ടോ ക്യാമറ, 4K120 ഫ്രൈംസ് പെർ സെക്കറ്റിൽ സിനിമാറ്റിക് സ്ലോ മോഷൻ, സ്റ്റുഡിയോ ക്വാളിറ്റിയുള്ള 4 മൈക്ക്, 12MP ഫ്രണ്ട് ഷൂട്ടർ, യുഎസ്ബി ചാർജിങ് കണക്ടർ, 25W  വരെ വയർലെസ് ചാർജിങ്

ഐഫോൺ പ്രോ

ഐഫോൺ പ്രോ മാക്സിൽ ഏറ്റവും മികച്ച ബാറ്ററി ലൈഫെന്ന് അവകാശപ്പെടുന്നു. എ18 പ്രോ എന്ന പുതിയ ചിപ്പിന് 6 കോർ ജിപിയിലൂടെ മികച്ച പ്രകടനം നടത്താൻ കഴിയും. ഐഫോൺ 16 പ്രോയും ആപ്പിൾ 16 പ്രോ മാക്സും എ18  പ്രോ ചിപ് സെറ്റിൽ പ്രവർത്തിക്കുന്നു.

ആപ്പിൾ ഇന്റലിജന്റ്സിനായി എ18പ്രോ ചിപ്പ്, വലിയ ഡിസ്പ്ലേ, ക്യാമറ നിയന്ത്രണം,  ​ഗെയിമിങിനുള്ള മികച്ച ​ഗ്രാഫികസ്, ക്വാഡ്- പിക്സൽ സെൻസറുള്ള പുതിയ 48MP ഫ്യൂഷൻ ക്യാമറ ഫീച്ചർ തുടങ്ങി നിരവധി സവിശേഷതകളാണ് ഐഫോൺ പ്രോ മോഡലുകൾക്കുള്ളത്. സിരി സിസ്റ്റം ആപ്പുകളുമായി മെച്ചപ്പെട്ട രീതിയിൽ കൂടുതൽ സംയോജിപ്പിച്ചതായും ആപ്പിൾ അവകാശപ്പെട്ടു. 8-കോർ ന്യൂറൽ എഞ്ചിനോട് കൂടിയ പുതിയ A18 ചിപ്സെറ്റിൽ AAA​ ​ഗെയിമുകൾ വരെ മികവായി പ്രവർത്തിക്കും.

വിലകൾ

ഐഫോൺ 16: 79,900 മുതൽ                                                                                                                                                                                                                                                                                                                                                                                                                                                                                        

ഐഫോൺ 16 പ്ലസ്: 89,900 മുതൽ                                                                                                                                                                                                                                                                                                                                                                                                                                                                                   

ഐഫോൺ 16 പ്രോ: 1,19,900 മുതൽ                                                                                                                                                                                                                                                                                                                                                                                                                                                                                 

ഐഫോൺ 16 പ്രോ മാക്സ്: 1,44,900 മുതൽ                                                                                                                                                                                                                                                                                                                                                                                                                                                                             

ആപ്പിൾ വാച്ച് സീരീസ് 10: 46,900  രൂപ                                                                                                                                                                                                                                                                                                                                                                                                                                                                                         

ആപ്പിൾ വാച്ച് എസ്ഇ: 24,900 രൂപ                                                                                                                                                                                                                                                                                                                                                                                                                                                                                               

ആപ്പിൾ വാച്ച് അൾട്രാ 2: 89,900 രൂപ                                                                                                                                                                                                                                                                                                                                                                                                                                                                               

എയർപോഡ് 4: 12,900 മുതൽ

ഐഫോൺ 16 പ്രോയിൽ 6.3 ഇഞ്ച്, ഐഫോൺ 16 പ്രോ മാക്സിൽ 6.9 ഇഞ്ച് എന്നിങ്ങനെയാണ് ഡിസ്പ്ലേ വലുപ്പം. കൂടാതെ രണ്ട് മോഡലുകളിലും ​ഗ്ലാസിനെക്കാൾ രണ്ടു മടങ്ങ് കട്ടിയുള്ള സിറാമിക് ഷീൽഡ് ഉപയോ​ഗിച്ച് സുരക്ഷ വർദ്ധിപ്പിക്കുന്നു. കരുത്തുറ്റതും ഭാരം കുറഞ്ഞതുമായ ടൈറ്റാനിയം രൂപകൽപനയിലാണ് മോഡലുകൾ എത്തുന്നത്. ആപ്പിൾ വാച്ച് സീരീസ് 10, ആപ്പിൾ വാച്ച് അൾട്രാ 2, എയർപോഡുകൾ 4 എന്നിവയും പ്രഖ്യാപിച്ചു.

USB-C ചാർജിം​ഗ് ഫീച്ചറോട് കൂടിയ എയർപോ‍ഡ് മാക്സ് ഹെഡ്ഫോൺസ് ഓറഞ്ച്, പർപ്പിൾ, സ്റ്റാർലൈറ്റ് എന്നീ പുതിയ നിറങ്ങളിൽ ലഭ്യമാകും.

റോസ് ​ഗോൾഡ്, സിൽവർ അലുമിനിയം ഓപ്ഷനുകളിൽ ആപ്പിൾ വാച്ച് സീരീസ് 10 എത്തുമ്പോൾ പുതിയ സാറ്റിൻ ബ്ലാക്ക് ടൈറ്റാനിയം വെർഷനിലാണ് ആപ്പിൾ വാച്ച് അൾട്രാ 2 വരുന്നത്. 

ആപ്പിളിന്റെ ജനപ്രിയ വയർലെസ് ഇയർബഡുകളുടെ പുതുക്കിയ പതിപ്പ് പ്രഖ്യാപിച്ചു.

ആപ്പിളിന്റെ അടുത്ത തലമുറ സ്മാർട്ട് വാച്ചിൽ ഡിസൈൻ പരിഷ്ക്കരണങ്ങളോടെ പുതിയ മോ‍‍ഡലുകൾ പുറത്തിറക്കി.